டாவோஸ்: –நம் நாட்டின், ஒரு சதவீத செல்வந்தர்களின் சொத்து மதிப்பு, 70 சதவீத ஏழைகளின் மொத்த சொத்தவிட, நான்கு மடங்கு அதிகம் என, ஆக்ஸ்பாம் ஆய்வறிக்கை தெரிவித்துள்ளது.

உலக பொருளாதார மன்றத்தின், 50வது ஆண்டு கூட்டத்தில், ‘கவனிப்பதற்காக நேரம்’ என்ற தலைப்பில், ஆக்ஸ்பாம் அமைப்பு, ஆய்வறிக்கை ஒன்றை வெளியிட்டது.

இந்த ஆய்வறிக்கையில் மேலும் கூறப்பட்டு உள்ளதாவது:இந்தியாவில் உள்ள, 1 சதவீத செல்வந்தர்களின் சொத்து மதிப்பு, அந்நாட்டின், 95.3 கோடி ஏழைகளின் சொத்து மதிப்பை விட, நான்கு மடங்கு அதிகமாக இருக்கிறது.இந்த, 95.3 கோடி வறியவர்கள் எண்ணிக்கை, நாட்டின் மொத்த மக்கள் தொகையில், 70 சதவீதமாகும். மேலும், நாட்டின் பெரும் பணக்காரர்கள் அனைவரது மொத்த சொத்து மதிப்பு, இந்தியாவின் முழு ஆண்டு பட்ஜெட் தொகையை விட அதிகமாகும்.இந்தியாவில் இருக்கும், 63 செல்வந்தர்களின் மொத்த சொத்து மதிப்பு, 2018 – 19ம் ஆண்டின் பட்ஜெட் தொகையான, 24.42 லட்சம் கோடி ரூபாயை விட அதிகமாக இருக்கிறது.

உலகளாவிய சமத்துவமின்மை அதிர்ச்சியூட்டும் வகையில் உள்ளது. கடந்த, 10 ஆண்டுகளில், பெரும் பணக்காரர்களின் எண்ணிக்கை, இரு மடங்காக அதிகரித்து உள்ளது.உள்நாட்டு வருமான சமத்துவமின்மை, பல நாடுகளில் குறிப்பாக, முன்னேறிய நாடுகளில் உயர்ந்துள்ளது. சில நாடுகளில் வரலாற்று உச்சத்தை எட்டியுள்ளது.இவ்வாறு அதில் கூறப்பட்டுள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜனவரி 21,2020

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜனவரி 21,2020

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜனவரி 21,2020

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜனவரி 21,2020

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜனவரி 21,2020

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்