பதிவு செய்த நாள்
22 ஜன2020
06:32
புதுடில்லி : பிரபல உணவு டெலிவரி நிறுவனமான, ‘ஸொமேட்டோ’ அதன் போட்டி நிறுவனங்களில் ஒன்றான, ‘ஊபர் ஈட்ஸ்’ நிறுவனத்தை, 2,485 கோடி ரூபாய்க்கு கையகப்படுத்தி உள்ளது.
பத்து சதவீத பங்கு மட்டுமே ஊபர் வசம் இருக்கும். இதையடுத்து, ஊபர் ஈட்ஸ் நிறுவனத்தின் வாடிக்கையாளர்கள், ஸொமேட்டோ நிறுவன செயலிக்கு மாற்றப்பட்டு விடுவர். ஸொமேட்டோ, ஊபர் ஈட்ஸ் நிறுவனத்தை கையகப்படுத்தியதை அடுத்து, ஸ்விக்கி நிறுவனத்துக்கு, சந்தையில் போட்டி கடுமையாகி இருக்கிறது. ஸ்விக்கி, நாள் ஒன்றுக்கு, 14 லட்சம் உணவு ஆர்டர்களை வாடிக்கையாளர்களிடமிருந்து பெறுகிறது. ஸொமேட்டோ, ஊபர் ஈட்ஸ் நிறுவனங்கள் இணைந்து, நாள் ஒன்றுக்கு, 16 லட்சம் ஆர்டர்களை பெறுகிறது. ஸொமேட்டோ, 24 நாடுகளில் செயல்பட்டு வருகிறது.
இந்தியாவில், 500க்கும் மேற்பட்ட நகரங்களில் உணவுகளை வினியோகம் செய்து வருகிறது. ஊபர் ஈட்ஸ், 2017ல் இந்தியாவில் நுழைந்தது. 41 நகரங்களில் செயல்பட்டு வருகிறது. இந்நிறுவனத்தின் வசம், 26 ஆயிரம் உணவகங்கள் இணைப்பில் உள்ளன என்பதும் குறிப்பிடத்தக்கதாகும்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|