புதுடில்லி : மத்திய அரசு, வெளிநாடுகளிலிருந்து இறக்குமதி செய்யப்பட்டு வரும் பர்னிச்சர் பொருட்களுக்கு, கட்டுப்பாடுகள் விதிக்க திட்டமிட்டு வருகிறது.

இது குறித்து, அரசின் உயரதிகாரி ஒருவர் கூறியதாவது:மத்திய அரசு, இறக்குமதி செய்யப்படும் பர்னிச்சர் பொருட்களுக்கு, புதிய கட்டுப்பாடுகள் விதிக்க திட்டமிட்டு வருகிறது.உள்நாட்டு உற்பத்தி அதிகரிப்பதற்கும், அத்தியாவசியமற்ற பொருட்களின் இறக்குமதி தடுக்கப்படவும், இத்தகைய இறக்குமதி கட்டுப்பாடுகள் உதவும் என, அரசு கருதுகிறது. கடந்த நிதியாண்டில் மட்டும், 4,280 கோடி ரூபாய் மதிப்பில், பர்னிச்சர் இறக்குமதி நடைபெற்றுள்ளது. இதில், சீனாவிலிருந்து மட்டும், 2,208 கோடி ரூபாய் மதிப்பிலான பர்னிச்சர்கள் இறக்குமதி ஆகியுள்ளன.

சீனா தவிர, மலேஷியா, ஜெர்மனி, இத்தாலி, சிங்கப்பூர் ஆகிய நாடுகளும், அதிக அளவில் பர்னிச்சர் பொருட்களை இந்தியாவுக்கு ஏற்றுமதி செய்து வருகின்றன.பர்னிச்சர் துறை, இந்தியாவைப் பொறுத்தவரை, அமைப்பு சாரா துறையாக திகழ்வதால், சீனா உள்ளிட்ட நாடுகளுடன் ஒப்பிடும்போது, மிகவும் பலகீனமான ஒன்றாக இருக்கிறது.இந்தியாவின் உள்நாட்டு பர்னிச்சர் தொழில், 35 ஆயிரத்து, 500 கோடி ரூபாய் மதிப்பு கொண்டதாகும். ஏற்றுமதி மதிப்பு, 10 ஆயிரத்து, 650 கோடி ரூபாயாக உள்ளது. இவ்வாறு அவர் கூறினார்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜனவரி 28,2020

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜனவரி 28,2020

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜனவரி 28,2020

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜனவரி 28,2020

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜனவரி 28,2020

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்