கடந்த 10 ஆண்­டு­களில் இல்­லாத வகை­யில்,எக்­கச்­சக்க எதிர்­பார்ப்­பு­க­ளுக்கு இடையே மத்­தியபட்­ஜெட் தாக்­க­லாகி உள்­ளது. எல்லா துறை­க­ளை­யும்உள்­ள­டக்­கிய விரி­வான அறி­விப்­பு­களை மத்­தியநிதி­ய­மைச்­சர் நிர்­மலா சீத்­தா­ரா­மன் அறி­வித்­தார்.
மத்­திய பட்­ஜெட் அறி­விப்­பு­களை, துறை­வா­ரி­யாக அலசி ஆராய்ந்­தால், ஒரே கட்­டு­ரை­யில், எல்­லா­வற்­றை­யும் சொல்­லி­விட முடி­யாது. முத­லில் நமது தேசத்­தின் பொரு­ளா­தா­ரத்­தின் முது­கெ­லும்­பாக திக­ழும் ‘எம்.எஸ்.எம்.இ.,’ என்று சொல்­லப்­படும் நடுத்­தர, சிறு மற்­றும் குறுந்­தொ­ழில் துறை­யி­ன­ருக்­கான அறி­விப்­பு­களை பார்ப்­போம்.நாட்­டில், 6,000 வித­மான பொருட்­களை எம்.எஸ்.எம்.இ., துறை உற்­பத்தி செய்­கின்­றன. இந்­தி­யா­வில், தொழில்­துறை வேலை வாய்ப்­பு­களில் 45 சத­வீ­தம் வேலை வாய்ப்­பு­களை எம்.எஸ்.எம்.இ., தொழில்­கள்­தான் வழங்கி வரு­கின்­றன. இந்­திய ஏற்­று­ம­தி­யில் 50 சத­வீ­த­மும், நாட்­டின் தொழில் துறை­யில், 95 சத­வீத பங்­க­ளிப்­பும் இவை கொண்­டுள்­ளன. இத­னால், மத்­திய அரசு இந்த துறைக்கு கூடு­தல் அக்­க­றை­யும், கவ­ன­மும் கொண்­டுள்­ளது.
மத்­திய பட்­ஜெட்­டில், எம்.எஸ்.எம்.இ. துறைக்கு உத­வும் வகை­யில், புதிய தேசிய லாஜிஸ்­டிக் பாலிசி (National Logistics Policy) அறி­விக்­கப்­பட்­டுள்­ளது. இதன்­மூ­லம், இ–லாஜிஸ்­டிக்ஸ் என்ற ஒரு மைய போர்ட்­டல் உரு­வா­கும். இது நிறு­வ­னங்­க­ளின் தொடக்­கம் முதல் இறுதி வரை நடக்­கும், எல்­லா­வி­த­மான தள­வாட (லாஜிஸ்­டிக்ஸ்) பரி­வர்த்­தனை தீர்­வு­க­ளுக்­கும் உத­வும்.பொருட்­க­ளுக்­கான கிடங்­குத்­தி­றனை அதி­க­ரிக்­கும். எம்.எஸ்.எம்.இ., தொழில்­து­றை­யி­னரை இணைக்க இந்த போர்­டல் ஒற்றை சாளர சந்­தை­யாக (Single Window Clearance) இருக்­கும். இதன்­மூ­லம், எம்.எஸ்.எம்.இ., தொழில்­து­றை­யி­னர் உற்­பத்தி செய்­யும் பொருட்­களை ஒரு இடத்­தில் இருந்து மற்­றொரு இடத்­துக்கு கொண்டு செல்­வது எளி­தா­கும். பொருட்­களை கொண்டு செல்­லும் செலவு குறை­யும்; வேலை வாய்ப்­பும் அதி­க­ரிக்­கும்; வர்த்­த­கர்­க­ளின் சரக்கு போக்­கு­வ­ரத்து செல­வைக் குறைப்­பதே இதன் முக்­கிய நோக்­கம்.தேசிய சாலை­போக்­கு­வ­ரத்து அமைச்­ச­கத்­தின் (2015) புள்­ளி­வி­வ­ரப்­படி, காஷ்­மீர் முதல் கன்­னி­யா­கு­மரி வரைக்­கும், நமது நாட்­டில், 228 நெடுஞ்­சா­லை­கள் உள்­ளன. ஒரு லட்­சத்து 475 கி.மீ. தொலை­வுக்கு தேசிய நெடுஞ்­சா­லை­கள் அமைந்­துள்­ளன.
இன்சூரன்ஸ் மேம்படும்இன்­னொரு அம்­ச­மாக, மேம்­பட்ட இன்­சூ­ரன்ஸ் தொகை வழங்­கு­வ­தற்­கும், சிறு ஏற்­று­ம­தி­யா­ளர்­கள் மற்­றும் சிறு தொழில்­க­ளுக்­கான பிரீ­மி­யத்­தைக் குறைப்­ப­தற்­கும் நிர்­விக் (நிரத் ரின் விகாஸ் யோஜனா) திட்­டம் அறி­விக்­கப்­பட்­டுள்­ளது.. இத­னால் குறைந்த பிரீமி­யத்­தில் அதிக இன்­சூ­ரன்ஸ் தொகை. எளி­மைப்­ப­டுத்­தப்­பட்ட கிளைம் செட்­டில்­மென்ட் முறை போன்ற பலன் கிடைக்­கும்.
மின் சந்தைஅடுத்­தது, சிறு தொழில் அமைப்­பி­ன­ருக்கு தேவை­யான பொது­வான பயன்­பாட்டு பொருட்­கள் மற்­றும் சேவை­களை ஆன்­லை­னில் கொள்­மு­தல் செய்­வ­தற்­கான ஒரு மின் போர்­டல் உரு­வாக்­கப்­பட்­டுள்­ளது. ஜெம் (GeM) என்று சுருக்­க­மாக அழைக்­கப்­படும், கவர்­மென்ட் இ–மார்க்­கெட்­ பி­ளேஸ் என்ற இந்த மின் சந்தை சீரான கொள்­மு­த­லுக்கு வழி­வ­குக்­கும். பொது கொள்­மு­த­லில் வெளிப்­ப­டைத்­தன்மை, செயல்­தி­றன் மற்­றும் தொழில் வேகத்தை மேம்­ப­டுத்­து­வதே இதன் நோக்­கம். இது­வரை 3.24 லட்­சம் பேர் இதில் பதிவு பெற்­றுள்­ள­னர். இத்­திட்­டத்­தின் மூலம்3 லட்­சம் கோடி வர்த்­த­கம் நடக்­கும் என்று எதிர்ப்­பார்க்­கப்­ப­டு­கிறது.
துணைக் கடன் வரும்தொழில்­மேம்­பாட்­டுக்கு தேவை­யான கடன் வச­தி­களை, உரிய நேரத்­தில் வங்­கி­கள் வழங்­கா­த­து­தான் சிறு தொழில்­துறை வளர்ச்­சிக்கு பாத­க­மாக அமைந்­துள்­ளது என்று பல­ரும் பேசி வரு­கி­றார்­கள். அதை சரி செய்ய, துணைக்­க­டன் (Sub- Ordinated debt for MSME) கொண்டு வரப்­பட்­டுள்­ளது. இது மார்ஜின்­போல் இல்­லா­மல் கடன் பெற­லாம். எஸ்.எம்.எம்.,இக்­க­ளுக்கு இன்ஸ்­பெக்­சன் இல்­லா­மல் இருந்­தால் நலம்.
மற்ற அம்­சங்­கள்ஈவுத்தொகை வரி மாற்றம்ஈவுத்­தொகை வினியோக வரியை இது­வரை கம்­பெனி செலுத்தி வந்­தது. இனி பெறு­ப­வர்­கள்­தான் வரி செலுத்த வேண்­டும் என மாற்­றி­ய­மைக்­கப்­பட்­டுள்­ளது. உதா­ர­ண­மாக கம்­பெ­னி­கள் செலுத்­தும்­போது 15 சத­வீ­த­மாக இருந்த இந்த வரி, 30 சத­வீத வரு­மான வரி­வி­திப்­புக்­குட்­பட்ட நபர் செலுத்­தும் போது அதற்­கும் 30 சத­வீ­தம் வரி செலுத்த வேண்­டும். வரிப்­பி­டித்­தம் 10 சத­வீ­தம் செய்ய வேண்­டும்.
இங்கேயும் வருமா அமெரிக்க கலாசாரம்?தனி­ந­பர் வரு­மான வரி­வி­திப்­பில் பெரிய மாற்­றங்­கள் செய்­யப்­பட்­டுள்­ளன. இந்த பட்­ஜெட்­டின் கதா­நா­ய­க­னும் அது­தான். 10, 15, 20, 25, 30 என பல வரி விகி­தங்­கள் மாற்­றம் செய்­யப்­பட்­டுள்­ளன. புதிய வரி அமைப்பை ஏற்­போ­ருக்கு வரிச்­ச­லு­கை­கள், கழி­வு­கள் கிடை­யாது. வரிச்­ச­லு­கை­கள் பயன்­ப­டுத்­திக்­கொள்­ளும், பழைய வரி அமைப்பு மற்­றும் சலுகை கிடைக்­காத புதிய வரி அமைப்பு எதை வேண்­டு­மா­னா­லும் வரி செலுத்­து­ப­வர் தேர்வு செய்­ய­லாம்.ஆனால், புதிய வரி முறையை தேர்வு செய்­யும் நடுத்­தர மக்­கள், முத­லீடு, சேமிப்பு இவற்றை கைவிட நேரிடும். இத­னால் பண சுழற்சி, பண புழக்­கம் அதி­க­ரிக்­கும். இது நுகர்வு கலாசா­ரத்தை ஊக்­கு­வித்து, பொரு­ளா­தா­ரத்தை செழு­மை­ப­டுத்­தும் என நம்­பப்­ப­டு­கிறது. இது நல்ல அணு­கு­மு­றை­தான். ஆனால், இது இன்­னொரு ஆபத்தை உரு­வாக்­கும் என்ற அச்­சம் உள்­ளது.அமெ­ரிக்­கா­வில் பல பத்­தாண்­டு­க­ளுக்கு முன் இது­போன்று மக்­களை அதி­கம் செலவு செய்ய வைக்­கும் நுகர்வு கலாசா­ரத்­துக்கு மக்­கள் பழக்­கப்­ப­டுத்­தப்­பட்­ட­னர். அங்கே தனி­ந­பர் ஒவ்­வொ­ரு­வ­ரி­ட­மும், 4, 5 கிர­டிட் கார்­டு­கள் இருக்­கும். அங்கு மாத சம்­ப­ளம் இரண்­டாக பிரிக்­கப்­பட்டு, 2 வாரங்­க­ளுக்கு ஒரு­முறை வழங்­கப்­ப­டு­கிறது. சேமிப்பு, முத­லீடு மறக்­கச்­செய்­யும் அதே அமெ­ரிக்க கலா­சா­ரம் நமக்­கும் பரவி விடுமோ என்ற பயம் இங்­கே­யும் வந்­து­விட்­டது.
ஆடிட்­டர் ஜி.கார்த்­தி­கே­யன்
வாசக வணி­கர்­களேஉங்­கள் சந்­தே­கங்­களை எழுத வேண்­டிய இமெ­யில்: karthi@gkmtax.com

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு பிப்ரவரி 04,2020

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் பிப்ரவரி 04,2020

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது பிப்ரவரி 04,2020

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி பிப்ரவரி 04,2020

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு பிப்ரவரி 04,2020

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்