பதிவு செய்த நாள்
01 மார்2020
23:41
இந்த ஆண்டுக்கான வரிச்சேமிப்பு முதலீட்டை இன்னமும் தீர்மானிக்காதவர்கள், கடைசி நேர குழப்பத்தில் இருக்கலாம். பொருத்தமான முதலீட்டை தேர்வு செய்வது எப்படி எனும் கேள்வி தவிர, முதலீடு செய்யும் வழிமுறையும் கூடுதலாக சிக்கலை ஏற்படுத்தலாம். இந்நிலையில், ஆன்லைனில் மேற்கொள்ளக்கூடிய வரி சேமிப்பு முதலீடுகள் சில:
ஐந்தாண்டு வைப்பு நிதி: வங்கிகளில் செய்யப்படும் ஐந்தாண்டு வைப்பு நிதி, பரவலாக பலரும் நாடும் வரி சேமிப்பு முதலீடாக அமைகிறது. இந்த வைப்பு நிதியை எளிதாக ஆன்லைனிலும் துவக்கலாம். கே.ஒய்.சி., பூர்த்தி செய்த வங்கி கணக்கு உள்ளவர்கள், இணைய வங்கிச் சேவை மூலம் வைப்பு நிதி துவக்கலாம்.
ஆன்லைன் காப்பீடு: காப்பீடு திட்டங்களை ஆன்லைனில் வாங்கும் போது, போதிய கால அவகாசம் இருக்க வேண்டும். டெர்ம் திட்டமோ, யூலிப் திட்டமோ, ஆன் லைனில் பணம் செலுத்தலாம் என்றாலும், பாலிசி வழங்கப்பட சிறிது காலம் ஆகலாம். மார்ச் மாத
கடைசியில் பணம் செலுத்தி, ஏப்ரல் முதல் வாரம் பாலிசி வழங்கப்பட்டால், வரிச்சலுகை பெற முடியாது.
பி.பி.எப்.,: நீண்ட கால முதலீடாக கருதப்படும், பொது சேமநல நிதியான பி.பி.எப்., கணக்கை ஆன்லைனில் துவக்கி பணம் செலுத்தலாம். அங்கீகரிக்கப்பட்ட வங்கியில், பி.பி.எப்., கணக்கு துவக்க சில நாட்கள் ஆகலாம். ஏற்கனவே, கணக்கு இருந்தால், ஆன்லைனிலேயே
தேவையான தொகை செலுத்தலாம்.
வீட்டுக்கடன்: வீட்டுக்கடன் பெற்றிருப்பவர்கள் செலுத்தும் மாதத்தவணை அல்லது முன் கூட்டியே செலுத்தும் அசல் தொகைக்கு வரிச்சலுகை கோரலாம். பகுதி அளவு அசலை
முன்கூட்டியே செலுத்துவதன் மூலம், வரிச்சலுகை பெறுவதோடு,வட்டி சுமையையும்ஓரளவு குறைத்துக் கொள்ள முடியும். இணைய வங்கிச் சேவை மூலம் இதை செய்யலாம்.
மருத்துவ காப்பீடு: மருத்துவ காப்பீடு திட்டங்களையும் ஆன்லைனில் வாங்கலாம். நிறுவனங்களின் இணையதளம் மூலம் அணுகலாம். ஆனால், மருத்துவ பரிசோதனை தேவைப்படலாம் என்பதையும், அதற்கு அவகாசம் தேவை என்பதையும் மனதில் கொள்ள வேண்டும். இ.எல்.எஸ்.எஸ்., வகை மியூச்சுவல் பண்ட் முதலீட்டையும் நாடலாம்.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|