புதுடில்லி:மத்திய அரசுக்கு, சரிசெய்யப்பட்ட மொத்த வருவாய் அடிப்படையில், 21 ஆயிரத்து, 533 கோடி ரூபாய் செலுத்த வேண்டியதிருப்பதாக, ‘வோடபோன் ஐடியா’ நிறுவனம் தெரிவித்து உள்ளது.

இந்நிறுவனம், அதன் சுயமதிப்பீட்டின் அடிப்படையில், இந்த தொகை மட்டுமே செலுத்த வேண்டியுள்ளதாக தெரிவித்து உள்ளது.ஆனால், அரசு தரப்பில், வோடபோன் ஐடியா, 53 ஆயிரத்து, 39 கோடி ரூபாயும்; ‘ஏர்டெல்’ 35 ஆயிரத்து, 586 கோடி ரூபாயும் பாக்கி வைத்திருப்பதாக தெரிவித்திருந்தது குறிப்பிடத்தக்கது.


இப்போது, வோடபோன் நிறுவனம், அதன் சுயமதிப்பீட்டின் அடிப்படையில், 21 ஆயிரத்து, 533 கோடி ரூபாய் மட்டுமே செலுத்த வேண்டியதிருப்பதாக தெரிவித்து உள்ளது. சமீபத்தில் ஏர்டெல் நிறுவனம், முதல் தவணையாக, 10 ஆயிரம் கோடி ரூபாயையும், இரண்டாவது தவணையாக, 8,004 கோடி ரூபாயையும் செலுத்தி, அத்துடன் செலுத்த வேண்டிய முழு பாக்கித் தொகையையும் செலுத்தி விட்டதாக, தெரிவித்தது.


வோடபோன் நிறுவனம்,21 ஆயிரத்து, 533 கோடி ரூபாயில், 2006 – -07 நிதியாண்டிலிருந்து, 2018 –19 நிதியாண்டு வரையிலான காலத்துக்கான அசல், 6,854 கோடி ரூபாயும், நடப்பாண்டு பிப்ரவரி மாதம் வரையிலான வட்டி தொகையும் அடங்கும் என, தெரிவித்துள்ளது. இதற்கிடையே, நேற்று, வோடபோன் குழும தலைமை செயல் அதிகாரியான நிக் ரீடு, தொலைதொடர்பு துறை அமைச்சர், ரவி சங்கர் பிரசாத் மற்றும் நிதியமைச்சர் நிர்மலா சீதாராமன் ஆகியோரை சந்தித்து பேசியுள்ளார்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மார்ச் 06,2020

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மார்ச் 06,2020

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மார்ச் 06,2020

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மார்ச் 06,2020

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மார்ச் 06,2020

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்