பதிவு செய்த நாள்
17 மார்2020
03:58
புதுடில்லி: கடந்த பிப்ரவரியில், நாட்டின் மொத்த விலை பணவீக்கம், 2.26 சதவீதமாக குறைந்துள்ளது. இது, ஜனவரியில், 3.1 சதவீதமாக இருந்தது.
மேலும், கடந்த ஆண்டு பிப்ரவரி மாதத்தில் இது, 2.93 சதவீதமாக இருந்தது.உணவுப் பொருட்களின் பணவீக்கம் குறிப்பிடத்தக்க அளவு சரிந்ததால், மொத்த விலை பணவீக்கம் குறைந்துள்ளது.இது குறித்து, தொழில் மற்றும் வர்த்தகத் துறை அமைச்சகத்தின் அறிக்கையில் தெரிவிக்கப்பட்டு உள்ளதாவது:பிப்ரவரியில் உணவுப் பொருட்களின் பணவீக்கம், 7.79 சதவீதமாக குறைந்துஉள்ளது.
இது, இதற்கு முந்தைய மாதத்தில், 11.51 சதவீதமாக இருந்தது. உணவுப் பொருட்கள் பணவீக்கம் குறைந்ததற்கு, காய்கறிகள் மற்றும் பழங்கள், 14 சதவீதமாகவும், தேயிலை, 8 சதவீதமாகவும், முட்டை, சோளம் ஆகியவை, 7 சதவீதமாகவும் குறைந்தது அடிப்படைக் காரணமாக அமைந்தது.இருப்பினும், இறைச்சி மற்றும் மீன் ஆகியவற்றின் மொத்த விலை பணவீக்கம், 5 சதவீதமாக அதிகரித்துஇருந்தது.
மேலும், மதிப்பீட்டு மாதத்தில், கச்சா பெட்ரோலியம் இயற்கை வாயு ஆகியவற்றின் பணவீக்கம், 1.5 சதவீதமாக குறைந்துள்ளது.மின்சார பணவீக்கம் அதிகரித்து, 7.2 சதவீதமாக உயர்ந்து உள்ளது.மருந்து மற்றும் அவற்றுக்கான ரசாயன உற்பத்தியில், பணவீக்கம், 2.0 சதவீதமாக அதிகரித்துள்ளது.இவ்வாறு, மத்திய தொழில் மற்றும் வர்த்தகத் துறை அமைச்சகம் தெரிவித்து உள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|