பதிவு செய்த நாள்
18 மார்2020
04:35
புதுடில்லி : ‘மூடிஸ் இன்வெஸ்டார்ஸ் சர்வீஸ்’ நிறுவனம், நடப்பு ஆண்டான, 2020ல், நாட்டின் பொருளாதார வளர்ச்சி, 5.3 சதவீதமாக இருக்கும் என்று, குறைத்து அறிவித்துள்ளது.
‘கொரோனா’ வைரஸ் தாக்குதலால், பொருளாதாரத்தில் ஏற்படும் பாதிப்புகளின் அடிப்படையில், நாட்டின் வளர்ச்சி, நடப்பு ஆண்டில், 5.3 சதவீதமாக இருக்கும் என, மூடிஸ் தெரிவித்துள்ளது. இந்நிறுவனம், கடந்த பிப்ரவரி மாதத்தில், நாட்டின் வளர்ச்சி, 5.4 சதவீதமாக இருக்கும் என்று கணித்து அறிவித்திருந்தது.இந்நிலையில் தற்போது, 5.3 சதவீதமாக குறைத்து அறிவித்துள்ளது. 5.4 சதவீதம் என்பதை, அதற்குமுன், 6.6 சதவீதம் என கணித்திருந்ததிலிருந்து குறைத்து அறிவிக்கப்பட்டது தான்.
இது குறித்து, மூடிஸ் நிறுவனம் மேலும் தெரிவித்துள்ளதாவது:கொரோனா வைரஸ் தாக்குதலால், பொருளாதாரம்மிக வேகமாக பாதிப்புக்கு உள்ளாகி இருக்கிறது. பாதிக்கப்பட்ட நாடுகளில், உள்நாட்டு நுகர்வு தேவை குறைந்துள்ளது. இடையூறுகள் நீடிக்கும்வரையில், பொருளாதார மந்தநிலை நீடிக்கும் ஆபத்தும் உள்ளது. இந்தியாவின் பொருளாதார வளர்ச்சி, அடுத்த ஆண்டில், அதாவது, 2021ல், 5.8 சதவீதமாக இருக்கும்.பல்வேறு நாடுகளின் அரசாங்கங்களும், அவற்றின் மத்திய வங்கிகளும், பல்வேறு நிதி ஊக்கச் சலுகைகளையும், வட்டி குறைப்புகளையும் அறிவித்துள்ளன.
இறுக்கமான நிதி நிலைமைகள், நாணய மதிப்பு குறைவு, அன்னிய செலாவணி இருப்பு குறைவு போன்றவை, நாடுகளை மேலும் அழுத்தத்தில் வைத்திருக்கின்றன.மேலும், கச்சா எண்ணெய் பிரச்னை, சம்பந்தப்பட்ட நாடுகளுக்கு அதிக அழுத்தத்தை தருவதாக இருக்கும். இவ்வாறு மூடிஸ் தெரிவித்துள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|