புதுடில்லி:நாட்டின் மிகப் பெரிய வாகன தயாரிப்பு நிறுவனமான, மாருதி சுசூகியின் விற்பனை, கடந்த மார்ச் மாதத்தில், 47 சதவீதம் அளவுக்கு சரிவைக் கண்டுள்ளது.

இது குறித்து, இந்நிறுவனம் தெரிவித்துள்ளதாவது.கடந்த மார்ச் மாதத்தில், விற்பனை, 47 சதவீதம் அளவுக்கு சரிந்துள்ளது. மொத்தம், 83 ஆயிரத்து 792 வாகனங்கள் மட்டுமே விற்பனை ஆகியுள்ளன.இதுவே, கடந்த ஆண்டு மார்ச் மாதத்தில், மொத்தம், 1.58 லட்சம் வாகனங்கள் விற்பனை ஆகியிருந்தன.

உள்நாட்டு விற்பனையை பொறுத்தவரை, மதிப்பீட்டு மாதத்தில், மொத்தம், 79 ஆயிரத்து, 80 வாகனங்கள் மட்டுமே விற்பனை ஆகியுள்ளன. இது 46.4 சதவீத சரிவாகும்.ஆல்ட்டோ உள்ளிட்ட சிறிய ரக கார்கள் விற்பனை, 5 சதவீதமும்,விட்டாரா பிரெஸ்ஸா உள்ளிட்ட பன்முக பயன்பாட்டு வாகனங்கள் விற்பனை, 53.4 சதவீதமும் சரிவைக் கண்டுள்ளன.

ஏற்றுமதியை பொறுத்தவரை, கடந்த ஆண்டு மார்ச் மாதத்தில், 10 ஆயிரத்து, 463 கார்கள் விற்பனை ஆகியிருந்த நிலையில், மதிப்பீட்டு மாதத்தில், 4,712 கார்கள் மட்டுமே விற்பனை ஆகியுள்ளன. இது 55 சதவீத சரிவாகும். இது ஒருபுறமிருக்க, கடந்த நிதியாண்டிலும், இந்நிறுவனத்தின் விற்பனை, 16.1 சதவீதம் அளவுக்கு சரிவைக் கண்டுள்ளது.

கடந்த நிதியாண்டில், இந்நிறுவனம் மொத்தம், 15.63 லட்சம் வாகனங்களை விற்பனை செய்துள்ளது. இதுவே, இதற்கு முந்தைய நிதியாண்டான, 2018--_19ல் 18.62 லட்சம் வாகனங்கள் விற்பனை செய்யப்பட்டிருந்தன.உள்நாட்டு விற்பனையை பொறுத்தவரை, கடந்த நிதியாண்டில், மட்டும் மாருதி சுசூகி நிறுவனம் 16.7 சதவீத சரிவை சந்தித்துள்ளது.

மேலும் ஆட்டோமொபைல் செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஏப்ரல் 01,2020

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஏப்ரல் 01,2020

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஏப்ரல் 01,2020

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஏப்ரல் 01,2020

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஏப்ரல் 01,2020

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்