மும்பை : எல்.ஐ.சி., ஹவுசிங் பைனான்ஸ் நிறுவனம், புதிதாக வீடு வாங்குபவர்களுக்கு, வீட்டுக் கடனுக்கான வட்டியை, 7.5 சதவீதமாக குறைத்து, அறிவித்துள்ளது.


இது குறித்து இந்நிறுவனத்தின், நிர்வாக இயக்குனர் சித்தார்த்த மொஹந்தி கூறியுள்ளதாவது:புதிதாக வீடு வாங்குபவர்களுக்கு, 7.5 சதவீதத்தில் வீட்டுக் கடன் வழங்கப்படும். ஆனால், அவர்களது, சிபில் ரேட்டிங், 800 புள்ளிகளுக்கும் அதிகமாக இருக்க வேண்டும்.நாட்டில், பணப்புழக்கத்தை அதிகரிப்பதற்காக, ரிசர்வ் வங்கி, பல்வேறு நடவடிக்கைகளை எடுத்து வருகிறது.எங்களுக்கும் குறைந்த வட்டியில் பணம் கிடைக்கிறது. எனவே, அதன் பலனை வாடிக்கையாளர்களுக்கு வழங்க விரும்புகிறோம்.


புதிதாக வீடு வாங்குபவர்களுக்கு வழங்கப்படும் குறைந்த வட்டிக்கான கடன், மேலும் அதிக நுகர்வோர்களை கொண்டு வந்து சேர்க்கும்.புதிதாக வீட்டுக் கடன் வாங்குபவர்கள், ஏற்கனவே எடுக்கப்பட்ட டேர்ம் இன்ஷூரன்ஸ் பாலிசியையோ அல்லது புதிதாக எடுக்கப்படும் பாலிசியையோ இந்த கடனுடன் இணைத்தால், வட்டியில் மேலும், 0.10 சதவீதம் குறைத்து, 7.4 சதவீதத்தில் வழங்கப்படும்.வாடிக்கையாளர் எதிர்பாராத வகையில் மரணமடைய நேரிட்டால், வீட்டுக்கடனை செலுத்துவதை காப்பீடு பார்த்துக் கொள்ளும்.புதிய வீடு வாங்கும் வாடிக்கையாளரின் சிபில் ரேட்டிங், 800 புள்ளிகளுக்கு குறைவாக இருந்தால், அவர்களுக்கு சற்று கூடுதல் வட்டியில் கடன் வழங்கப்படும்.இவ்வாறு அவர் கூறிஉள்ளார்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஏப்ரல் 24,2020

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஏப்ரல் 24,2020

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஏப்ரல் 24,2020

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஏப்ரல் 24,2020

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஏப்ரல் 24,2020

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்