புதுடில்லி, ஏப். 29-முகேஷ் அம்பானி தலைமையிலான ரிலையன்ஸ் இண்டஸ்ட்ரீஸ் நிறுவனம், 30 ஆண்டுகளில் இல்லாத வகையில் முதன் முறையாக, உரிமை பங்குகளை வெளியிடுவது குறித்து ஆலோசிக்க உள்ளது. ரிலையன்ஸ் இண்டஸ்ட்ரீஸ் நிறுவனம், அதன் கடனை குறைக்கும் முயற்சியில் தீவிரமாக இறங்கி, செயல்பட்டு வருகிறது. அதன் ஒரு பகுதியாக, உரிமை பங்குகளை வெளியிடுவது குறித்து, நாளை ஆலோசிக்க உள்ளது. இந்நிறுவனத்தின் நிர்வாக குழு நாளை கூடவிருக்கிறது. இக்கூட்டத்தில், 30 ஆண்டுகளில் முதன் முறையாக, உரிமை பங்குகளை வெளியிடுவது குறித்து ஆலோசனை நடத்தப்பட உள்ளது.உரிமை பங்குகள் வெளியீடு என்பது, ஏற்கெனவே பங்குகளை வைத்திருக்கும் பங்குதாரர்களுக்கு, சிறப்பு விலையில், அவர்களிடம் இருக்கும் பங்குகளின் எண்ணிக்கைக்கு ஏற்ப, பங்குகளை ஒதுக்கி, நிதி திரட்டிக் கொள்வதாகும்.ரிலையன்ஸ், உரிமை பங்குகளை வெளியிடுவது குறித்து, வேறு எந்த தகவல்களையும் வெளியிடவில்லை. நாளை நடைபெற இருக்கும் நிர்வாக குழு கூட்டத்தில், கடந்த மார்ச் மாதத்துடன் முடிவடைந்த கடைசி காலாண்டு அறிக்கையை வெளியிடுவதற்கு ஒப்புதல் அளிப்பது குறித்தும் ஆலோசிக்கப்படும் என தெரிகிறது.ஏற்கனவே, நிறுவனம் அதன் கடனை அடைக்கும் முயற்சியின் ஒருபகுதியாக, 'பேஸ்புக்' நிறுவனத்துக்கு, 43 ஆயிரம் கோடி ரூபாய்க்கு 9.99 சதவீத, ஜியோ பிளாட்பார்ம் பங்குகளை விற்பனை செய்தது. இந்நிலையில், தற்போது, உரிமை பங்குகளை வெளியிட்டு, அதன் மூலமும் நிதி திரட்ட முயற்சிக்கிறது.

மேலும் பங்கு வர்த்தகம் செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஏப்ரல் 28,2020

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஏப்ரல் 28,2020

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஏப்ரல் 28,2020

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஏப்ரல் 28,2020

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஏப்ரல் 28,2020

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்