பதிவு செய்த நாள்
13 ஜூன்2020
16:07
விலையுயர்ந்த கிரூஸர் பைக்குகள் தயாரிப்பில் முன்னணி வகுக்கும் நிறுவனம் டிரயம்ப். பிரிட்டன் மோட்டர் சைக்கிள் நிறுவனமான டிரயம்ப் 1983ம் ஆண்டு ஜான் புளூர் என்பவரால் உருவாக்கப்பட்டது. இதற்கு இந்தியாவில் பெரிய ரசிகர் பட்டாளமே உண்டு. சர்வதேச பைக் ஷோக்களில் அனைவரின் கண்ணைக் கவரும் பைக் இது. எஸ்யூவி கார் விலையில் உள்ள டிரயம்ப் வழக்கமாக விற்பனையில் களைகட்டும்.
பெரும்பாலான டிரயம்ப் பைக்குகள் தாய்லாந்தில் தயாரிக்கப்படுகின்றன. டிரயம்ப் போன்வில் டி100 பிளாக் என்ற மாடல் பைக்கை அறிமுகம் செய்து உள்ளது டிரயம்ப் நிறுவனம். ஏற்கனவே வெளியாகி விற்பனையில் களைகட்டிய டி100 பிளாக், டி120 பிளாக் ஆகிய மாடல்களின் அப்கிரேடட் வெர்ஷந்தான் போன்வில். கலர் ஸ்கீம் மட்டுமே தற்போது மாற்றப்பட்டு உள்ளது.
போன்வில் டி100 பிளாக் மேட் பிளாக் நிறத்துடனும் போனி டி120 ஜெட் பிளாக் நிறத்துடம் தயாரிக்கப்பட்டுள்ளன. 900 சிசி டுவின் ஸ்பார்க் எஞ்சினுடனும் 5900 ஆர்பிஎம்-ல் 54 பிஹெச்பி ஹார்ஸ் பவருடனும் போன்வில் தயாராகி உள்ளது. இது தவிர 5 ஸ்பீடு கியர் பாக்ஸ், டூயல் சேனல் ஏபிஎஸ், டிராக்ஷன் கண்ட்ரோல், யூஎஸ்பி சார்ஜிங் சாக்கெட் இதில் உள்ளது.
போன்வில் டி120 பிளாக் 1200 சிசி ஹை டார்க் லிக்விட் கூல்டு எஞ்சினுடன் தயாராகிறது. இதில் 6 ஸ்பீல் கியர் பாக்ஸ் கொடுக்கப்பட்டுள்ளது. இதில் இம்மொபிலைசர், ஹீடட் கிரிப்ஸ், ரைட் பை வயர், டிராக்ஷன் கண்ட்ரோல் ஆகியவை உள்ளன. டி100-ன் டில்லி எக்ஸ் ஷோரூம் விலை 8.87 லட்சம் எனவும் டி 120-ன் விலை 9.97 லட்சம் எனவும் நிர்ணயம் செய்யப்பட்டுள்ளன.
மேலும் பொது செய்திகள்
|
Advertisement
|
Advertisement
|
Advertisement
|
|
|
|