பதிவு செய்த நாள்
11 ஆக2020
22:34
புதுடில்லி:ரிலையன்ஸ் இண்டஸ் ட்ரீஸ், உலகளாவிய முதல், 100 நிறுவனங்களில் ஒன்றாக இடம்பிடித்துள்ளது. உலகளவிலான நிறுவனங்களை, அவற்றின் மொத்த வருவாயின் அடிப்படையில், ஒவ்வொரு ஆண்டும் பட்டியலிட்டு வருகிறது., பார்ச்சூன் இதழ்.
இதன் உலகளாவிய, 500 நிறுவனங்கள் பட்டிய லில், முதல், 100 இடங்களில் ஒன்றாக, இடம்பிடித்துள்ளது ரிலையன்ஸ் இண்டஸ்ட்ரீஸ். இந்நிறுவனம், 96வது இடத்தை பிடித்துள்ளது.இதன் மூலம் பார்ச்சூன், 500 பட்டியலில் இந்த இடத்தை பிடித்த முதல் இந்திய நிறுவனம் என்ற பெருமையையும் ரிலையன்ஸ் பெற்றுள்ளது.
கடந்த, 2012ம் ஆண்டில் ஒருமுறை, முதல், 100 இடங்களில் ரிலையன்ஸ், 99வது இடத்தை பிடித்தது. ஆனால், அடுத்து வந்த ஆண்டுகளில் அந்த இடத்தை இழந்து, பின்னுக்கு சென்றது. கடந்த, 2016ம் ஆண்டில், ரிலையன்ஸ், 215வது இடத்துக்கு வந்து சேர்ந்தது. ஆனால், அதன்பின் தொடர்ந்து ஏறுமுகத்தை கண்டது. தற்போது, 10 இடங்கள் முன்னேறி, 96 இடத்தை பிடித்துள்ளது.
பொதுத் துறை நிறுவன மான, இந்தியன் ஆயில் கார்ப்பரேஷன், 34 இடங்கள் சரிவு கண்டு, 151வது இடத்துக்கு வந்துள்ளது. இதேபோல் ஓ.என்.ஜி.சி., நிறுவனம், 30 இடங்களை இழந்து, 190 இடத்தை பிடித்துள்ளது.நாட்டின் மிகப்பெரிய வங்கியான எஸ்.பி.ஐ., 15 இடங்கள் முன்னேறி, 221 இடத்தை பிடித்துள்ளது.பாரத் பெட்ரோலியம், 309 இடத்தையும்; டாடா மோட்டார்ஸ், 337 இடத்தையும்; ராஜேஷ் எக்ஸ்போர்ட்ஸ், 462 இடத்தையும் பிடித்துள்ளன.
முதலிடத்தை வால்மார்ட் பிடித்துள்ளது. இதனையடுத்த மூன்று இடங்களை, சீன நிறுவனங்களான, சினோபெக் குழுமம், ஸ்டேட் கிரிட், சீனா நேஷனல் பெட்ரோலியம் ஆகிய நிறுவனங்கள் கைப்பற்றி உள்ளன. ராயல் டச் ஷெல் ஐந்தாம் இடத்தையும்; சவுதி அராம்கோ ஆறாம் இடத்தையும் பிடித்துள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|