புதுடில்லி:நடப்பு நிதியாண்டின் முதல் காலாண்டில், நுகர்பொருட்கள் விற்பனை, கடந்த இரண்டு ஆண்டுகளில் இல்லாத அளவுக்கு அதிகரித்துள்ளது, ஆய்வு ஒன்றின் மூலம் தெரிய வந்துள்ளது.

நுண்ணறிவு மற்றும் ஆலோசனை நிறுவனமான காந்தர், ஏப்ரல் முதல் ஜூன் வரையிலான காலாண்டில், நுகர்பொருட்கள் விற்பனை குறித்த ஆய்வு ஒன்றை மேற்கொண்டது.அதில், மற்ற துறைகள் எல்லாம் ஜூன் காலாண்டில் மிகவும் பாதிப்புக்குள்ளான நிலையில், இத்துறை மட்டும் கடந்த இரண்டு ஆண்டுகளில் இல்லாத அளவுக்கு, மிகச் சிறப்பான வளர்ச்சியை பெற்றுள்ளது தெரிய வந்துள்ளது.

இக்காலாண்டில் நுகர்பொருட்கள் துறை, அளவின் அடிப்படையில், 4.3 சதவீதமும்; மதிப்பின் அடிப்படையில், 8.5 சதவீதமும் வளர்ச்சியை கண்டுள்ளது. கடந்த ஆண்டு இதே காலாண்டில், மதிப்பின் அடிப்படையிலான வளர்ச்சி, 6.4 சதவீதமாக இருந்தது குறிப்பிடத்தக்கது.

ஆய்வறிக்கையில் மேலும் தெரிவிக்கப்பட்டுள்ளதாவது:மதிப்பீட்டு காலத்தில், தனிநபர் ஆரோக்கிய பிரிவு, 11.1 சதவீத வளர்ச்சியை பெற்றுள்ளது. வீட்டு பராமரிப்பு பிரிவில், மேற்பரப்புகளை சுத்தம் செய்யும் பொருட்கள், சோப்புகள் போன்றவை, 4.6 சதவீதம் வளர்ச்சியை கண்டுள்ளன.உணவு மற்றும் பானங்கள் பிரிவு, 3.7 சதவீதம் அளவுக்கு, ஓரளவு மிதமான வளர்ச்சியை பெற்றுள்ளது.


இதில் உணவு பொருட்கள், 5.7 சதவீதமாக வலுவான வளர்ச்சி பெற்றிருந்தாலும், பானங்கள் வளர்ச்சி, 19 சதவீதம் அளவுக்கு சரிவை கண்டுள்ளது. மொத்த விற்பனையில், கிராமப்புறங்களின் பங்களிப்பு, 38 சதவீதமாக உள்ளது.இவ்வாறு, காந்தர் அறிக்கையில் தெரிவிக்கப்பட்டுள்ளது. ஆனால், கடந்த மாதம் நீல்சன் நிறுவன அறிக்கையில், இதே காலாண்டில் இத்துறை, 17.1 சதவீத சரிவைக் கண்டிருப்பதாக தெரிவித்திருந்தது குறிப்பிடத்தக்கது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஆகஸ்ட் 12,2020

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஆகஸ்ட் 12,2020

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஆகஸ்ட் 12,2020

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஆகஸ்ட் 12,2020

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஆகஸ்ட் 12,2020

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்