புதுடில்லி:அமேசான், ரிலையன்ஸ் இண்டஸ்ட்ரீஸ், பிளிப்கார்ட், பேடிஎம்’ உள்ளிட்ட பல நிறுவனங்கள், இந்தியாவின் சில்லரை விற்பனை சந்தையை வளைக்கும் முயற்சியில் தீவிரமாக இறங்கி இருக்கும் நிலையில், தற்போது, டாடா நிறுவனமும் அந்த வரிசையில் தயாராகி வருகிறது.

இந்திய நுகர்வோர்களை கவரும் வகையில், டாடா நிறுவனமும் புதிய முயற்சியில் இறங்கி இருக்கிறது. சூப்பர் செயலி ஒன்றை தயார் செய்து வருகிறது.இந்த சூப்பர் செயலி, அனைத்து வகையான பொருட்கள் மற்றும் சேவைகளுக்கான ஒரே இடமாக அமையும். டாடா நிறுவனத்தின் அனைத்து பொருட்கள் மற்றும் சேவையை பெற, இந்த சூப்பர் செயலி ஒன்றே போதுமானதாக இருக்கும்.

இது குறித்து, டாடா சன்ஸ் நிறுவனத்தின் தலைவர் என்.சந்திரசேகரன் கூறியதாவது:இது ஒரு சூப்பர் செயலியாக இருக்கும். ஒரு செயலிக்குள் ஓராயிரம் செயலிகள் இருக்கும். அனைத்து தேவைகளுக்குமான ஒற்றை தளமாக இது இருக்கும். பல லட்சம் வாடிக்கையாளர்களை கொண்ட எங்களுக்கு, மிகப்பெரிய வாய்ப்பு இருக்கிறது. இவ்வாறு அவர் கூறினார்.

டாடா நிறுவனத்தின் வசம் பல துறைகளைச் சேர்ந்த நிறுவனங்கள் இருப்பது அதற்கான பெரிய பலம்.சில்லரை விற்பனை ஸ்டோர்கள், நகைக் கடைகள், ஏர்லைன்ஸ், வாகனங்கள், எலக்ட்ரானிக்ஸ், உணவு, பானங்கள், லைப்ஸ்டைல், சாட்டிலைட் டெலிவிஷன், நுகர்வோர் நிதி உதவி என பல துறைகளில் டாடா இருக்கிறது.

மேலும் டாடா கிளிக், ஸ்டார்பக்ஸ், டைட்டன், விஸ்டாரா, தனிஷ்க், தாஜ் ஓட்டல்கள், வெஸ்ட்சைடு என பல பிராண்டுகளும் டாடா வசம் ஏற்கனவே இருக்கின்றன.இனி இவை அனைத்தையும் டாடாவின் சூப்பர் செயலி மூலம் எளிதில் அணுக முடியும்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஆகஸ்ட் 26,2020

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஆகஸ்ட் 26,2020

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஆகஸ்ட் 26,2020

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஆகஸ்ட் 26,2020

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஆகஸ்ட் 26,2020

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்