புதுடில்லி:மத்திய அரசின், அவசரகால கடன் உத்தரவாத திட்டத்தின் கீழ், கடந்த, 24ம் தேதி வரை, மொத்தம், 1.56 லட்சம் கோடி ரூபாய் கடனுக்கான அனுமதி வழங்கப்பட்டிருப்பதாக, மத்திய நிதியமைச்சகம் தெரிவித்துள்ளது.

குறு, சிறு, நடுத்தர நிறுவனங்களுக்கு உதவும் வகையில், 3 லட்சம் கோடி ரூபாய் அளவிலான அவசரகால கடன் உத்தரவாத திட்டத்தை அரசு அறிவித்திருந்தது. இதன்படி, நிறுவனங்கள் எந்த பிணையும் இன்றி, வங்கிகளில் கடன் பெற்றுக் கொள்ள முடியும்.

இதுகுறித்து, நிதியமைச்சகம் மேலும் தெரிவித்துள்ளதாவது:கடந்த, 24ம் தேதி வரை, மொத்தம், 1 லட்சத்து, 55 ஆயிரத்து, 995 கோடி ரூபாய் கடன்களுக்கான அனுமதி வழங்கப் பட்டிருக்கிறது, இதில், 1 லட்சத்து, 5 ஆயிரத்து, 926 கோடி ரூபாய் கடன் வழங்கப்பட்டு விட்டது.

இந்த கடன்கள், 12 பொதுத் துறை வங்கிகள், 24 தனியார் துறை வங்கிகள், 31 வங்கி சாரா நிதி நிறுவனங்கள் ஆகியவற்றின் மூலம் வழங்கப்பட்டு வருகின்றன.கடந்த, 24ம் தேதி வரை, பொதுத் துறை வங்கிகள் மூலம், 76 ஆயிரத்து, 765 கோடி ரூபாய் கடனுக்கான அனுமதிகள் கொடுக்கப்பட்டு, 47 ஆயிரத்து, 696 கோடி ரூபாய் வழங்கப்பட்டு விட்டது.

தனியார் துறை வங்கிகள், 79 ஆயிரத்து, 230 கோடி ரூபாய் மதிப்பிலான கடன்களுக்கு ஒப்புதல் கொடுத்து, 47 ஆயிரத்து, 696 கோடி ரூபாய் வழங்கப்பட்டுள்ளது.கடந்த, 18ம் தேதி நிலவரத்துடன் ஒப்பிடும்போது, 5,236 கோடி ரூபாய் அதிகம் வழங்கப்பட்டுள்ளது.அதிகபட்ச கடன்களை, எஸ்.பி.ஐ., வங்கி வழங்கி இருக்கிறது. இதற்கடுத்த இடத்தில், பஞ்சாப் நேஷனல் வங்கி உள்ளது.

மேலும் வங்கி மற்றும் நிதி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஆகஸ்ட் 27,2020

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஆகஸ்ட் 27,2020

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஆகஸ்ட் 27,2020

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஆகஸ்ட் 27,2020

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஆகஸ்ட் 27,2020

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்