புதுடில்லி:சீனாவை சேர்ந்த,‘அலிபாபா குழுமம், இந்தியாவில் புதிய முதலீடுகளை மேற்கொள்வதை தற்காலிகமாக நிறுத்தி வைத்திருப்பதாக செய்திகள் வருகின்றன. அலிபாபா குழுமம், இந்தியாவில் பல்வேறு முதலீடுகளை மேற்கொண்டு வரும் நிறுவனமாகும்.

குறிப்பாக, ஸ்டார்ட் அப் நிறுவனங்களில் முதலீடுகளை மேற்கொண்டு வருகிறது. இந்நிலையில், எல்லையில் சீனா மோதலை மேற்கொண்ட காரணத்தால், இந்தியாவுடனான வணிக உறவுகள் குறைந்து, அரசியல் அழுத்தங்கள் அதிகரித்திருப்பதை அடுத்து, அலிபாபா இத்தகைய முடிவுக்கு வந்திருப்பதாக சொல்லப்படுகிறது.

இது குறித்து விபரம் அறிந்த அதிகாரி ஒருவர் கூறியதாவது:அலிபாபா குழுமம் குறைந்த பட்சம் ஆறு மாதங்களுக்கு புதிய முதலீடுகள் எதையும் இந்தியாவில் மேற்கொள்ள வேண்டாம் என கருதியுள்ளது. இருப்பினும், ஏற்கனவே மேற்கொண்டிருக்கும் முதலீடுகளிலிருந்து வெளியேறவோ அல்லது பங்குகளை குறைத்துக் கொள்ளவோ நிறுவனம் விரும்பவில்லை.


புதிதாக இந்தியாவிலுள்ள ஸ்டார்ட் அப் நிறுவனங்களில் முதலீடுகளை மேற்கொள்ள வேண்டாம் என கருதுகிறது.இவ்வாறு அவர் கூறினார்.ஆனால், இது குறித்து அலிபாபா குழுமம் அதிகாரப்பூர்வமாக எந்த அறிவிப்பையும் வெளியிடவில்லை; பதிலும் தெரிவிக்கவில்லை.

அலிபாபா மற்றும் அதன் துணை நிறுவனங்களான, அலிபாபா கேப்பிடல் பார்ட்னர்ஸ் மற்றும் ஆன்ட் குழுமமும், 2015ம் ஆண்டு முதல், 15 ஆயிரம் கோடி ரூபாய்க்கும் அதிகமான தொகையை, இந்திய நிறுவனங்களில் முதலீடு செய்துள்ளன.மேலும், குறைந்தபட்சம், 13 ஆயிரம் கோடி ரூபாய் நிதியுதவி சுற்றுகளிலும் பங்கேற்றுள்ளன என்பது குறிப்பிடத்தக்கது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஆகஸ்ட் 27,2020

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஆகஸ்ட் 27,2020

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஆகஸ்ட் 27,2020

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஆகஸ்ட் 27,2020

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஆகஸ்ட் 27,2020

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்