பதிவு செய்த நாள்
31 ஆக2020
22:06
புதுடில்லி:ரிலையன்ஸ் இண்டஸ்ட்ரீஸ் நிறுவனம், பியூச்சர் குழுமத்தின் சில்லரை, மொத்த விலை, கிடங்குகள், சரக்கு போக்குவரத்து ஆகிய வணிகங்களை, 24 ஆயிரத்து, 713 கோடி ரூபாய்க்கு வாங்கியதை அடுத்து, பியூச்சர் நிறுவன பங்குகள் விலை, நேற்று சந்தையில் உயர்வைக் கண்டன.
ரிலையன்ஸ் நிறுவன பங்குகள் விலை, துவக்கத்தில் அதிகரித்த போதிலும் பங்குச் சந்தையின் சரிவு காரணமாக, இதன் பங்குகள் விலையும் சரிந்தது.தேசிய பங்குச் சந்தையின், நிப்டி பிரிவில், ரிலையன்ஸ் இண்டஸ்ட்ரீஸ் நிறுவனத்தின் பங்குகள் விலை, துவக்கத்தில், 2.66 சதவீதம் அதிகரித்த போதிலும் வர்த்தகத்தின் இறுதியில் விலை, 2.18 சதவீதம் சரிந்து, 2,070 ரூபாயாக குறைந்தது.
ரிலையன்ஸ் போலவே, பியூச்சர் குழுமத்தை சேர்ந்த நிறுவனங்களின் பங்குகள் விலையும் அதிகரித்தன. பியூச்சர் ரீட்டெய்ல் நிறுவன பங்குகள் விலை, 19.99 சதவீதம் அதிகரித்து, 162.35 ரூபாயாக உயர்ந்தது. பியூச்சர் என்டர்பிரைசஸ் பங்குகள் விலை, 4.98 சதவீதம் அதிகரித்து, 21.10 ரூபாயாக உயர்ந்தது.பியூச்சர் கன்ஸ்யூமர் நிறுவன பங்குகள் விலையும், 4.80 சதவீதம் அதிகரித்து, 12 ரூபாயாக உயர்வைக் கண்டது.
மேலும், பியூச்சர் லைப்ஸ்டைல் பேஷன் நிறுவன பங்குகள் விலையும், 4.98 சதவிகிதம் அதிகரித்து, 152.80 ரூபாயாக உயர்ந்தது.ரிலையன்ஸ் இண்டஸ்ட்ரீஸ் துணை நிறுவனமான, ‘ரிலையன்ஸ் ரீட்டெய்ல் வெஞ்சர்ஸ்’ பியூச்சர் குழுமத்தின் பல வணிகங்களை கையகப் படுத்தியதை அடுத்து, பிக்பஸார் உள்ளிட்டவை ரிலையன்ஸ் வசம் வந்துள்ளது.இருப்பினும், இந்த டீலில் பியூச்சர் குழுமத்தின் நிதி மற்றும் காப்பீட்டு வணிகங்கள் சேர்த்துக் கொள்ளப்படவில்லை.
மேலும் பொது செய்திகள்
|
Advertisement
|
Advertisement
|
Advertisement
|
|
|
|