புதுடில்லி:கடந்த ஆகஸ்ட் மாதத்தில், நாட்டின் மொத்தவிலை பணவீக்க விகிதம், 0.16 சதவீதமாக அதிகரித்து உள்ளது.இதற்கு முந்தைய நான்கு மாதங்களில், மைனசில் இருந்த மொத்தவிலை பணவீக்கம், ஆகஸ்ட் மாதத்தில், உணவு பொருட்கள் மற்றும் தயாரிப்பு பொருட்கள் விலை உயர்ந்த காரணத்தால், 0.16 சதவீதம் அதிகரித்துள்ளது.

காய்கறிமொத்தவிலை பணவீக்கம், கடந்த ஏப்ரல், மே, ஜூன், ஜூலை ஆகிய மாதங்களில் முறையே, மைனஸ் 1.57 சதவீதம், மைனஸ் 3.37 சதவீதம், மைனஸ் 1.81 சதவீதம், மைனஸ் 0.58 சதவீதம் என இருந்தது.மேலும் கடந்த ஆண்டு, இதே ஆகஸ்ட் மாதத்தில், மொத்தவிலை பணவீக்கம், 1.17 சதவீதமாக இருந்தது குறிப்பிடத்தக்கது.

இது குறித்து, மத்திய வர்த்தகம் மற்றும் தொழில் துறை அமைச்சகம் தெரிவித்து உள்ளதாவது: மதிப்பீட்டு மாதத்தில், உணவுப் பொருட்களின் பணவீக்கம், 3.84 சதவீதமாக இருந்தது. உருளைக்கிழங்கின் விலை, 82.93 சதவீதம் அதிகரித்திருந்தது.காய்கறிகளின் பணவீக்கம், 7.03 சதவீதமாகவும்; வெங்காயத்தின் பணவீக்கம், மைனஸ் 334.48 சதவீதமாகவும் இருந்தன.எரிபொருள் மற்றும் மின்சாரத்தின் பணவீக்கம், 9.68 சதவீதமாக குறைந்துள்ளது.


இதுவே, கடந்த ஜூலை மாதத்தில், 9.84 சதவீதமாக அதிகரித்திருந்தது.தயாரிப்பு பொருட்களின் பணவீக்க விகிதம், கடந்த ஜூலையில், 0.51 சதவீதமாக இருந்த நிலையில், ஆகஸ்ட் மாதத்தில், 1.27 சதவீதமாக அதிகரித்து உள்ளது.இவ்வாறு அமைச்சகம் தெரிவித்து உள்ளது.

நிதிக் கொள்கை

ரிசர்வ் வங்கி, கடந்த மாதம் நடைபெற்ற அதன் நிதிக் கொள்கை கூட்டத்தில், வட்டி விகிதத்தில் எந்த மாறுதலையும் செய்யவில்லை. அத்துடன், பணவீக்கம் மேலும் அதிகரிக்கும் என்றும் தெரிவித்திருந்தது.மேலும், அக்டோபர் முதல், மார்ச் வரையிலான காலத்தில், பணவீக்கம் ஓரளவு மிதமாக இருக்கும் என்றும் தெரிவித்துள்ளது குறிப்பிடத்தக்கது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு செப்டம்பர் 14,2020

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் செப்டம்பர் 14,2020

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது செப்டம்பர் 14,2020

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி செப்டம்பர் 14,2020

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு செப்டம்பர் 14,2020

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்