பதிவு செய்த நாள்
23 செப்2020
22:08
புதுடில்லி: கடந்த ஜனவரி முதல் ஆகஸ்ட் வரையிலான காலத்தில், ரியல் எஸ்டேட் துறையில், தனியார் பங்கு முதலீடு, 85 சதவீதம் அளவுக்கு சரிவை சந்தித்துள்ளது என, ஆய்வறிக்கை ஒன்று தெரிவித்துள்ளது.
கனடாவை சேர்ந்த, ரியல் எஸ்டேட் சேவை நிறுவனமான,‘கோலியர்ஸ் இண்டர்நேஷனல்’ மற்றும் இந்திய வர்த்தக சபைகளின் கூட்டமைப்பான,‘பிக்கி’யும் இணைந்து ஓர் ஆய்வறிக்கையைவெளியிட்டுள்ளது.அதில் கூறப்பட்டுள்ளதாவது.கடந்த ஜனவரி முதல் ஆகஸ்ட் வரையிலான காலத்தில், இந்திய ரியல் எஸ்டேட் துறையில், தனியார் பங்கு முதலீடு கிட்டத்தட்ட, 6,500 கோடி ரூபாய் வந்துள்ளது.
இதுவே, இதற்கு முந்தைய ஆண்டின் இதே காலத்தில், 42 ஆயிரத்து, 880 கோடி ரூபாயாக இருந்தது. இது, 85 சதவீத சரிவாகும்.நடப்பு ஆண்டில் வந்த முதலீடுகளில், 24 சதவீதம் அதாவது, 1,500 கோடி ரூபாய் அளவுக்கு, அலுவலக பிரிவில் முதலீடு செய்யப்பட்டுள்ளது.தொழிற்சாலை மற்றும் கிடங்குகள் பிரிவில், 12 சதவீதமும்; டேட்டா சென்டர்கள் பிரிவில், 46 சதவீதமும் முதலீடு செய்யப்பட்டுள்ளன.
விருந்தோம்பல் பிரிவில், 9 சதவீதமும்; வீடுகள் பிரிவில், 8 சதவீதமும்; கூட்டு வாழ்க்கை பிரிவில் ஒரு சதவீதமும் முதலீடு செய்யப்பட்டுள்ளது.உள்நாட்டு மற்றும் வெளிநாட்டு
முதலீட்டாளர்கள், தற்போதைய தொற்றுநோய் சூழலின் பின்னணியில், எச்சரிக்கையான முதலீட்டு அணுகுமுறையைமேற்கொள்கின்றனர். இவ்வாறு அறிக்கையில் தெரிவிக்கப்பட்டுள்ளது.
கோலியர்ஸ் நிறுவனத்தின் சில ஆலோசனைகள்:கிளவுடு கம்ப்யூட்டிங் பிரிவில் வளர்ந்து வரும் தேவையை மேம்படுத்த, தரவு மையங்களில் கவனம் செலுத்தலாம். மேலும், தொடர்ந்து அலுவலக பிரிவுகளிலும் அதிக கவனம் செலுத்தலாம். இப்பிரிவில் நிலையான வாடகை வருமானத்துக்கான வாய்ப்பு இருக்கிறது.
*மின்னணு வர்த்தகம் மற்றும் இதர நுகர்வோர் சார்ந்த துறையில் இருக்கும் தேவையின்
பின்னணியில், முதலீட்டாளர்கள், தொழில்துறை மற்றும் கிடங்குகள் பிரிவில் கவனம் செலுத்தலாம்.*பூர்த்தி செய்யப்பட்ட மலிவு மற்றும் நடுத்தர பிரிவு குடியிருப்பு திட்டங்களில் பங்கு முதலீட்டை மேற்கொள்ளலாம். முதலீட்டாளர்கள் பெரிய கட்டுமான
நிறுவனங்களுடன் கூட்டு சேர்வதை கருத்தில் கொள்ள வேண்டும். மேலும், பசுமை குடியிருப்பு திட்டங்களிலும் கவனம் கொள்ளலாம்.
*விருந்தோம்பல் மற்றும் சில்லரை ரியல் எஸ்டேட் பிரிவுகளில் கவர்ச்சிகரமான
மதிப்பீடுகளை பரிசீலிக்கலாம். தேவைகளில் மீட்சி ஏற்பட்டு வருவதால், இதை பயன்படுத்திக்கொள்ள முயற்சிக்கலாம்.
மேலும் ரியல் எஸ்டேட் செய்திகள்
|
Advertisement
|
Advertisement
|
Advertisement
|
|
|
|