புதுடில்லி:நடப்பு நிதியாண்டுக்கான, மத்திய அரசின் ஏழாம் கட்ட தங்க பத்திர வெளியீடு, நாளை துவங்குகிறது.


இந்த வெளியீட்டில், தங்கத்தின் விலை, 1 கிராமுக்கு, 5,051 ரூபாய் என, நிர்ணயிக்கப்பட்டு இருப்பதாக, ரிசர்வ் வங்கி தெரிவித்துள்ளது.இந்த தங்க பத்திர வெளியீடு, நாளை துவங்கி, 16ம் தேதியுடன் முடிவடைகிறது.நடப்பு நிதியாண்டில், தங்க பத்திரங்களை, எட்டு கட்டங்களாக, ஏப்ரல் முதல் நவம்பர் வரையிலான காலக்கட்டத்தில் வெளியிட இருப்பதாக அரசால் அறிவிக்கப்பட்டிருந்தது.

பத்திர வெளியீட்டுக்கு முந்தைய மூன்று வர்த்தக தினங்களில் இருந்த, 999 சுத்தமான தங்கத்தின் விலையின் சராசரியைக் கொண்டு வெளியீடு விலை நிர்ணயிக்கப்படுகிறது. அந்த வகையில், நாளை நடைபெறும் பத்திர வெளியீட்டின் போது தங்கத்தின் விலை 5,051 ரூபாய் என நிர்ணயிக்கப்பட்டுள்ளது.

‘கிரெடிட், டெபிட்’ கார்டுவலைதளம் அல்லது மின்னணு முறையில் மேற்கொள்ளும் முதலீடுகளுக்கு, 1 கிராமுக்கு, 50 ரூபாய் தள்ளுபடி வழங்கப்படும் என, மத்திய நிதியமைச்சகம் தெரிவித்துஉள்ளது.இதனால், ‘கிரெடிட், டெபிட்’ கார்டு உள்ளிட்ட மின்னணு பணப் பரிவர்த்தனையில், தங்க சேமிப்பு பத்திரங்களை வாங்குவோருக்கு, 1 கிராம், 5,001 ரூபாய்க்கு கிடைக்கும்.

வங்கிகள், ஸ்டாக் ஹோல்டிங் கார்ப்பரேஷன், மும்பை மற்றும் தேசிய பங்குச் சந்தைகள், தலைமை அஞ்சலகங்கள் ஆகியவற்றில், தங்க சேமிப்பு பத்திரங்கள் விற்பனை செய்யப்படும். மத்திய அரசு, தங்கம் இறக்குமதியை குறைக்கும் நடவடிக்கையில் ஒன்றாக, 2015, நவம்பரில், தங்க சேமிப்பு பத்திர திட்டத்தை அறிவித்தது. இதில், தங்கத்தை,ஆவண வடிவில் சேமிக்கலாம்.


1 கிராம் தங்கம், 1 யூனிட் என்ற கணக்கில் வழங்கப்படும்.எட்டாவது கட்ட வெளியீடுஆறாவது கட்ட வெளியீடு, கடந்த ஆகஸ்ட், 31ம் தேதி துவங்கி, செப்டம்பர், 4ம் தேதியன்று நிறைவு பெற்றது. இந்த வெளியீட்டின் போது, தங்கத்தின் விலை, 1 கிராமுக்கு, 5,117 என நிர்ணயிக்கப் பட்டு இருந்தது.தற்போது நடைபெற இருக்கும் ஏழாம் கட்ட வெளியீட்டுக்கு பிறகு, எட்டாவது கட்ட வெளியீடு, நவம்பர், 9ம் தேதி துவங்கி, 13ம் தேதியன்று முடிவடைய இருக்கிறது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு அக்டோபர் 10,2020

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் அக்டோபர் 10,2020

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது அக்டோபர் 10,2020

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி அக்டோபர் 10,2020

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு அக்டோபர் 10,2020

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்