சர்வதேச அளவில் பிரபலமாக இருக்கும், ஈ.எஸ்.ஜி., நிதிகள், இந்திய மியூச்சுவல் பண்ட் துறையிலும் அறிமுகம் ஆகியிருக்கின்றன. அண்மை காலத்தில், இந்த வகையில் மூன்று நிதிகள் அறிமுகமான நிலையில், மேலும் இரண்டும் புதிய நிதிகள் அறிமுகம் ஆக உள்ளன. முதலீட்டின் மீதான பலனை அளிப்பதோடு, நீடித்த நிலையான வளர்ச்சிக்கு உதவும் சமூக நலன் காக்கும் முதலீடாகவும் கருதப்படுவதால், இவை முதலீட்டாளர்கள் கவனத்தை ஈர்த்து வருகின்றன. சமூக பொறுப்பான முதலீடு வாய்ப்பாக அமையும் ஈ.எஸ்.ஜி., நிதிகள் பற்றி ஒரு அறிமுகம்:


ஈ.எஸ்.ஜி., நிதி என்றால் என்ன?


சுற்றுச்சூழல், சமூகம் மற்றும் நிர்வாகம் ஆகியவற்றை குறிக்கும் ஆங்கில சொற்களின் சுருக்கமாக ஈ.எஸ்.ஜி., அமைகிறது. இந்த மூன்று அம்சங்களையும் கவனத்தில் கொண்டு, சிறப்பாக செயல்படும் நிறுவனங்களில் முதலீடு செய்யும் மியூச்சுவல் பண்ட் திட்டங்களாக அவை அமைகின்றன. இவை, நீடித்த வளர்ச்சியை முக்கியமாக கருதுகின்றன.



சமூக முதலீடு:


ஈ.எஸ்.ஜி., நிதிகள், நிறுவனங்களின் நிதி அம்சங்கள் தவிர, சுற்றுச்சூழல் கொள்கை, சமூக செயல்பாடு, ஊழியர்கள் நட்பான தன்மை ஆகிய அம்சங்களை பரிசீலித்து, அவற்றின் பங்குகளில் முதலீடு செய்கின்றன. இந்த வகை முதலீடு, வளர்ந்த நாடுகளில் பிரபலமாக உள்ளன; இந்தியாவில் தற்போது அறிமுகம் ஆகியுள்ளன.


என்ன பயன்?


சுற்றுச்சூழல் பாதிப்பு தொடர்பான முக்கியத்துவம் அதிகரித்து வரும் நிலையில், நீடித்த வளர்ச்சியில் அக்கறை கொண்டுள்ள நிறுவனங்களுக்கு நல்ல எதிர்காலம் இருப்பதாக கருதப்படுகிறது. இந்த வகை நிறுவனங்கள், முதலீடு தொடர்பான சாதகமான அம்சங்களையும் உள்ளடக்கியிருப்பதாக கருதப்படுகின்றன.


புதிய அறிமுகம்:


இந்தியாவில் புதிதாக அறிமுகம் ஆகியிருந்தாலும், முதலீடு செய்யும் போது சமூக நலனையும் முக்கியமாக கருதும் இளம் முதலீட்டாளர்கள் இவற்றில் ஆர்வம் காட்டுவர் என கருதப்படுகிறது. குறிப்பாக, கொரோனாவுக்கு பிந்தைய சூழலில், சமூக நோக்கிலான முதலீடு அதிகரிக்கும் என்று எதிர்பார்க்கப்படுகிறது.


வரவேற்பு:


ஈ.எஸ்.ஜி., நிதிகள் தொடர்ந்து அறிமுகம் ஆகி கொண்டிருக்கும் நிலையில், நிறுவனங்களும் சுற்றுச்சூழல் போன்ற அம்சங்களில் அதிக கவனம் செலுத்தும் என கருதப்படுகிறது. வெளிநாட்டு நிதி முதலீட்டாளர்களும் இந்த வகை நிறுவனங்களை ஆதரிக்க வாய்ப்புள்ளதால், ஈ.எஸ்.ஜி., வகை நிதிகள் வரவேற்பை பெறும் என கருதப்படுகிறது.

மேலும் வங்கி மற்றும் நிதி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு அக்டோபர் 25,2020

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் அக்டோபர் 25,2020

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது அக்டோபர் 25,2020

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி அக்டோபர் 25,2020

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு அக்டோபர் 25,2020

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்