பதிவு செய்த நாள்
05 ஜன2021
12:38
புதுடில்லி: அமெரிக்க டாலருக்கு எதிரான, இந்திய ரூபாயின் சராசரி மதிப்பு, நடப்பு, 2021ம் ஆண்டில், 75.50 ரூபாயாக இருக்கும் என, தரவு பகுப்பாய்வு நிறுவனமான, 'பிட்ச் சொலுஷன்ஸ்' தெரிவித்துள்ளது.
இதற்கு முன், 77 ரூபாயாக இருக்கும் என்று தெரிவித்திருந்த நிலையில், தற்போது, தன்னுடைய கணிப்பை மாற்றி, இந்திய ரூபாய் மேலும் வலுப்பெறும் என தெரிவித்துள்ளது.
இது குறித்து, மேலும் தெரிவிக்கப்பட்டு உள்ளதாவது:டாலருக்கு எதிரான இந்திய ரூபாயின் சராசரி மதிப்பு, 2020ம் ஆண்டில், 74.10 ரூபாயாக இருந்தது. 2021ம் ஆண்டில், 75.50 ரூபாயாக இருக்கும் என, எதிர்பார்க்கப்படுகிறது.குறுகிய கால அளவில், தற்போதைய நிலையிலிருந்து, சிறிது வலுவிழந்து வர்த்தகம் ஆகும்.இந்தியா, அதன் கச்சா எண்ணெய் தேவையில், 80 சதவீதத்துக்கும் அதிகமாக, இறக்குமதியை நம்பியே இருக்கிறது. இந்நிலையில், நடப்பு ஆண்டில், உலகளாவிய பொருளாதார மீட்சி காரணமாக, எண்ணெய் விலை அதிகரிக்கக் கூடும். இது, இந்திய ரூபாய் மதிப்பை பாதிக்கும். இவ்வாறு தெரிவிக்கப்பட்டுள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|