புதுடில்லி:எலான் மஸ்க் தலைமையிலான, உலகின் மிகப் பெரிய மின்சார கார் தயாரிப்பு நிறுவனமான, ‘டெஸ்லா’ கடந்த ஜனவரி மாதத்தில், மெய்நிகர் நாணயமான, ‘பிட்காய்ன்’ மீது,10 ஆயிரத்து, 950 கோடி ரூபாய் முதலீடு செய்திருப்பதாக தெரிவித்துள்ளது.

மேலும், பணம் கொடுப்பதற்கு பதிலாக, பிட்காய்ன் செலுத்தி, டெஸ்லா காரை வாங்கும் வசதியும் விரைவில் ஏற்படுத்தப்படும் என்றும் தெரிவித்துள்ளது.இதையடுத்து, பிட்காய்ன் மதிப்பு மேலும் எழுச்சி காண துவங்கி இருக்கிறது.

அண்மையில், எலான் மஸ்க், பிட்காய்ன் முத்திரையை சமூக ஊடகங்களில் பகிர்ந்து கொண்டார். அத்துடன், ‘டாகிகாய்ன்’ எனும் வேறொரு மெய்நிகர் நாணயம் குறித்த மீம்ஸையும் வெளியிட்டிருந்தார். இந்நிலையில், அவர் பிட்காய்ன் மீது கோடிக் கணக்கில் முதலீடு செய்திருப்பது தெரிய வந்திருக்கிறது.

விரைவில், டெஸ்லா காரை பிட்காய்னை கொடுத்து வாங்க முடியும் என அறிவித்து இருந்தாலும், நாட்டின் சட்டதிட்டங்களுக்கு உட்பட்டு, குறிப்பிட்ட அளவில் மட்டுமே அவற்றை பெற திட்டமிட்டிருப்பதாகவும் தெரிவிக்கப்பட்டுள்ளது.இத்திட்டம் துவங்கப் பட்டால், இனி பணமாக செலுத்தாமல், பிட்காய்னை செலுத்தியே, டெஸ்லா கார் உள்ளிட்ட நிறுவனத்தின் அனைத்து தயாரிப்புகளையும் வாங்கிக் கொள்ள முடியும்.

நிறுவனத்தின் பணப்புழக்கத்தை எளிதாக்கி கொள்ளவும், வருவாயை மேலும் பெருக்கிக் கொள்ளவும், தங்களது முதலீட்டுக் கொள்கையை மேம்படுத்தி அமைத்திருப்பதாக, டெஸ்லா தெரிவித்துள்ளது.

மேலும் ஆட்டோமொபைல் செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு பிப்ரவரி 09,2021

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் பிப்ரவரி 09,2021

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது பிப்ரவரி 09,2021

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி பிப்ரவரி 09,2021

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு பிப்ரவரி 09,2021

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்