பதிவு செய்த நாள்
16 பிப்2021
21:32
மும்பை:இந்தியாவில், ஊடக தளத்தில் விளம்பரங்கள் நடப்பு ஆண்டில், 23 சதவீதம் அதிகரிக்கும் என கணிக்கப்பட்டிருக்கிறது.
கடந்த ஆண்டில், 21.5 சதவீதம் அளவுக்கு விளம்பரங்கள் சரிவை கண்டிருந்த நிலையில், நடப்பு ஆண்டில் அதிகரிக்கும் என்கிறது, ‘குரூப் எம்’ நிறுவன ஆய்வு.இந்நிறுவன ஆய்வறிக்கையில் மேலும் கூறப்பட்டுள்ளதாவது:கொரோனா பாதிப்புகள் காரணமாக, கடந்த ஆண்டில், ஊடக தளங்களில் விளம்பரங்கள் குறைந்திருந்த நிலையில், நடப்பு ஆண்டில் வளர்ச்சி காணும்.இருப்பினும், 2019ம் ஆண்டின் நிலையுடன் ஒப்பிடும்போது, குறைவாகவே இருக்கும்.
2019ல், 83 ஆயிரம் கோடி ரூபாய் ஊடகங்களில் விளம்பரங்களுக்காக செலவு செய்யப்பட்டு இருக்கிறது.கொரோனா தாக்குதல் குறித்த அறிவிப்புகள் வருவதற்கு சில வாரங்களுக்கு முன், 2020ல் விளம்பர செலவு, 91 ஆயிரத்து, 641 கோடி ரூபாயாக இருக்கும் என கணிக்கப்பட்டிருந்தது.
உலகளவில் விளம்பரங்களுக்காக செலவழிக்கும் நாடுகள் பட்டியலில், இந்தியா ஒரு இடம் பின்னுக்கு தள்ளப்பட்டு, 10வது இடத்தை பிடித்தது.இருப்பினும், நடப்பு ஆண்டில், மீண்டும், 9வது இடத்தை இந்தியா பிடிக்க வாய்ப்பு உள்ளது.நடப்பு ஆண்டு விளம்பரங்களில், அச்சு ஊடகத்துக்கான பங்கு, 16 சதவீதமாக தொடரும் என கருதலாம்.டிஜிட்டல் தளத்தின் பங்கு, 40 சதவீதமாக இருக்கும். தொலைக்காட்சியின் பங்கு சற்று குறைந்து, 18 சதவீதமாக இருக்கும்.இவ்வாறு தெரிவிக்கப்பட்டுள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|