புதுடில்லி:இந்தியாவுக்கு எதிரான, வரி குறித்த வழக்கில், ‘கெய்ர்ன்’ நிறுவனத்துக்கு சாதகமான தீர்ப்பு, சர்வதேச தீர்ப்பாயத்தில் வழங்கப்பட்டது. தற்போது, இதை எதிர்த்து, மத்திய அரசு மேல்முறையீடு செய்ய இருப்பதாக தெரியவந்துள்ளது.

வருமான வரி துறை, கெய்ர்ன் நிறுவனத்துக்கு எதிராக, 10 ஆயிரத்து, 247 கோடி ரூபாய் வரி விதிப்பு நடவடிக்கையை மேற்கொண்டதை அடுத்து, அந்நிறுவனம், சர்வதேச தீர்ப்பாயத்தை அணுகியது. சர்வதேச தீர்ப்பாயம், ‘பிரிட்டன் – இந்தியா இரு தரப்பு முதலீட்டு ஒப்பந்தம் 2014’ன் படி இந்தியா நடந்துகொள்ளவில்லை என கூறி, தீர்ப்பு வழங்கியது.

மேலும் இந்தியா,1.4 மில்லியன் டாலர், அதாவது, 10 ஆயிரத்து, 220 கோடி ரூபாயை வழங்க வேண்டும் என்றும் தீர்ப்பளித்தது.இதையடுத்து, பணத்தை உடனே தருமாறு, இந்திய அரசுக்கு அழுத்தம் கொடுத்த கெய்ர்ன், தாமதமாகும்பட்சத்தில், வெளிநாடுகளில் உள்ள இந்திய அரசின் சொத்துக்களை ஜப்தி செய்யும் நடவடிக்கையில் இறங்க நேரிடும் என்றும் தெரிவித்தது.

அதுமட்டுமின்றி, தீர்ப்பாயத்தின் உத்தரவை, இந்தியா உடனே நிறைவேற்ற வேண்டும் என கோரி, அமெரிக்கா, பிரிட்டன், நெதர்லாந்து ஆகிய நாடுகளிலுள்ள நீதிமன்றங்களை அணுகி இருக்கிறது. அடுத்து, கனடா நாட்டின் நீதிமன்றத்தை அணுக இருப்பதாகவும் தெரிய வந்துள்ளது.

இதற்கிடையே இவ்விவகாரம் குறித்து பேசுவதற்காக, கெய்ர்ன் நிறுவனத்தின் தலைமை செயல் அதிகாரி சைமன் தாம்சன், இந்தியா வந்திருக்கிறார். இவர், கடந்த வியாழன்று, நிதித் துறை செயலர் அஜய் பூஷன் பாண்டேவையும் சந்தித்துள்ளார்.இந்நிலையில், சர்வதேச தீர்ப்பாயத்தின் தீர்ப்பை எதிர்த்து, இந்திய அரசு மேல்முறையீடு செய்ய இருப்பதாக தெரியவந்துள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு பிப்ரவரி 19,2021

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் பிப்ரவரி 19,2021

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது பிப்ரவரி 19,2021

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி பிப்ரவரி 19,2021

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு பிப்ரவரி 19,2021

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்