பதிவு செய்த நாள்
10 மார்2021
22:02
புதுடில்லி:‘டாடா சன்ஸ்’ நிறுவனம், தன்னுடைய துணை நிறுவனமான, ‘டாடா டிஜிட்டல்’ மூலமாக, ‘ஜஸ்ட் டயல்’ நிறுவன பங்குகளை கையகப்படுத்தும் முயற்சிகளை மேற்கொண்டு வருகிறது.
கடந்த மாதம், டாடா குழுமம், ‘ஆன்லைன்’ மளிகை வணிகத்தில் ஈடுபட்டு வரும், ‘பிக் பாஸ்கெட்’ நிறுவனத்தின், 68 சதவீத பங்குகளை, 9,500 கோடி ரூபாய்க்கு வாங்கியது.இந்நிலையில், ‘ஜஸ்ட் டயல்’ நிறுவனப் பங்குகளை வாங்குவது குறித்தும், ஆரம்பகட்ட பேச்சு வார்த்தைகளில் ஈடுபட்டுள்ளதாக தெரிய வந்துள்ளது.
உப்பிலிருந்து, மென்பொருட்கள் வரையிலான வணிகங்களை மேற்கொண்டு வரும், டாடா குழுமம், அதன் மின்னணு வர்த்தகத்தை விரிவுபடுத்தும் வகையில், ‘சூப்பர் செயலி’ ஒன்றை தயார் செய்து வருகிறது. டாடாவின், இந்த சூப்பர் செயலி, ரிலையன்ஸ், பிளிப்கார்ட், அமேசான் உள்ளிட்ட முன்னணி மின்னணு வர்த்தக நிறுவனங்களுக்கு போட்டியாக அமையும் எனக் கருதப்படுகிறது.
வணிகங்கள் சம்பந்தமான முகவரி, தொலைபேசி எண்கள் போன்ற விபரங்களை வழங்கி வரும், ஜஸ்ட் டயல், கடந்த, 1996ம் ஆண்டில் துவங்கப்பட்டது. பின்னர், 2013ம் ஆண்டில் சந்தையில் பட்டியலிடப்பட்டது. இந்நிறுவனத்தின் தற்போதைய சந்தை மதிப்பு, 5,420 கோடி ரூபாயாகும்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|