புதுடில்லி:சீனாவை சேர்ந்த, ‘அலிபாபா’ நிறுவனத்துக்கு, அடி மேல் அடி விழுந்துகொண்டிருக்கிறது.

சீனாவின் முன்னணி மின்னணு வர்த்தக நிறுவனமான, அலிபாபா, பல்வேறு சிக்கல்களை அரசிடமிருந்து தொடர்ந்து எதிர்கொண்டு வருகிறது. அண்மையில் ஊடக முதலீடுகளில் இருந்து நிறுவனத்தை வெளியேறச் சொன்னதன் தொடர்ச்சியாக, இந்நிறுவனத்தின் புகழ்பெற்ற இன்டர்நெட் தேடுபொறியான, ‘யு.சி., பிரவுசர்’ சீன ஆண்ட்ராய்டு ஆப் ஸ்டோரிலிருந்து நீக்கப்பட்டுள்ளது.

யு.சி., பிரவுசரை, 40 கோடி பேர் பயன்படுத்தி வருகிறார்கள். இந்நிலையில், சீன அரசு தொலைக்காட்சியின் நுகர்வோர் உரிமை நிகழ்ச்சியில், தகுதியற்ற நிறுவனங்களின் மருத்துவ விளம்பரங்களை உள்ளடக்கியதாக, யு.சி., பிரவுசர் இருப்பதாக விமர்சிக்கப் பட்டது. இதையடுத்து, அலிபாபா குழுமத்தின், யு.சி., பிரவுசர் நீக்கப்பட்டுள்ளது.

தற்போதைய நடவடிக்கையை அடுத்து, சீனாவின் பிரபலமான ஹூவாவேய், சயோமி, ‘விவோ’ உள்ளிட்ட நிறுவனங்களால் செயல்படுத்தப்படும் ஆண்ட்ராய்டு ஆப் ஸ்டோர்களில் இருந்து, யு.சி., பிரவுசரை பதிவிறக்கம் செய்ய இயலாத நிலை ஏற்பட்டிருக்கிறது. ஆப்பிள் போன்களில் மட்டும் பழைய நிலை நீடிக்கிறது.

தொலைக்காட்சி நிகழ்ச்சியை அடுத்து, மன்னிப்பு கோரியுள்ள அலிபாபா, இது குறித்து விசாரணை மேற்கொள்ளப்பட்டு உரிய நடவடிக்கை எடுக்கப்படும் என தெரிவித்துள்ளது. மேலும், பிரவுசரில் மேற்பார்வை முறையை வலுப்படுத்தி, பயனர்களுக்கு உயர்தர தகவல் சேவையை, கூடுதல் தரத்துடன் வழங்குவோம் என்றும், பயனர்கள் தொடர்ந்து கண்காணித்து அறிவுறுத்த வேண்டும் என்றும் கேட்டுக்கொண்டுள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மார்ச் 18,2021

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மார்ச் 18,2021

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மார்ச் 18,2021

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மார்ச் 18,2021

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மார்ச் 18,2021

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்