புதுடில்லி:கொரோனா இரண்டாவது அலை காரணமாக, கடந்த ஏப்ரலில், உள்நாட்டு விமான பயணியர் எண்ணிக்கை குறைந்துள்ளதாக, தர நிர்ணய நிறுவனமான, ‘இக்ரா’ தெரிவித்துள்ளது. இதனால், விமான நிறுவனங்கள் பாதிக்கப்பட்டுள்ளன.

இந்நிறுவனம் வெளியிட்டுள்ள அறிக்கை:கொரோனா பரவலை தடுக்க, பல மாநில அரசுகள் பயணியர் வருகைக்கு கட்டுப்பாடுகள் விதித்து உள்ளன. இதன் காரணமாக, ஏப்ரலில், உள்நாட்டு விமான சேவையில், பயணியர் எண்ணிக்கை, 29 சதவீதம் குறைந்து, 55 – 56 லட்சம் என்ற அளவில் சரிவடைந்துள்ளதாக மதிப்பிடப்பட்டுள்ளது. இது, மார்ச்சில், 78 லட்சமாக இருந்தது.

கடந்த, 2020 செப்டம்பருக்கு பின், முதன் முறையாக, நடப்பு மே, 3ம் தேதி உள்நாட்டு விமானங்களில் பயணம் செய்தோர் எண்ணிக்கை, 1 லட்சத்திற்கும் குறைவாக இருந்தது. ஏப்ரலில், தினசரி விமான சேவை, 2 ஆயிரமாக குறைந்துள்ளது. இது, பிப்ரவரி, மார்ச் மாதங்களில், தலா, 2 ஆயிரத்து, 300 ஆக இருந்தது. இதே காலத்தில், விமான பயணியர் எண்ணிக்கை, சராசரியாக, 109லிருந்து, 93 ஆக குறைந்துள்ளது.இவ்வாறு அதில் கூறப்பட்டுள்ளது.

தற்போது, பல மாநிலங்கள் ஊரடங்கு அறிவித்துள்ளதால், உள்நாட்டு விமான பயணியர் எண்ணிக்கை மேலும் குறையும். இதனால், விமான நிறுவனங்களின் வருவாய் மேலும் பாதிக்கப்படும் என, மதிப்பிடப்பட்டுள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மே 07,2021

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மே 07,2021

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மே 07,2021

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மே 07,2021

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மே 07,2021

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்