புதுடில்லி:நடப்பு நிதியாண்டில் கூடுதலாக வரி செலுத்தியவர்களுக்கு, 43 ஆயிரத்து 991 கோடி ரூபாய் திரும்பத் தரப்பட்டதாக, வருமான வரித் துறை தெரிவித்துள்ளது.

இது குறித்து, வருமான வரித் துறை வெளியிட்டுள்ள, ‘டுவிட்டர்’ பதிவில் கூறப்பட்டு உள்ளதாவது:நடப்பு 2021 – 22ம் நிதியாண்டில், ஏப்., – ஜூலை 26 வரை, கூடுதலாக வரி செலுத்திய 21 லட்சத்திற்கும் அதிகமானோருக்கு, 43 ஆயிரத்து 991 கோடி ரூபாய் திரும்பத் தரப்பட்டுள்ளது.இந்த வகையில், வருமான வரி செலுத்திய 19 லட்சத்து 89 ஆயிரத்து 912 பேர், கூடுதலாக செலுத்திய 13 ஆயிரத்து 341 கோடி ரூபாயை திரும்பப் பெற்றுள்ளனர்.

1 லட்சத்து 12 ஆயிரத்து 567 நிறுவனங்களுக்கு, அவை கூடுதலாக செலுத்திய 30 ஆயிரத்து 651 கோடி ரூபாய் திரும்ப அளிக்கப்பட்டுள்ளது. நிறுவனங்கள், அவற்றின் வர்த்தகத்தை உத்தேசமாக கணக்கிட்டு, காலாண்டுக்கு ஒருமுறை முன்னதாகவே வரி செலுத்துகின்றன. வருமான வரி கணக்கு தாக்கலில் கழிவுகளை குறிப்பிட்டு கூடுதலாக செலுத்திய வரியை திரும்பப் பெறுகின்றன.

தனி நபர்களை பொறுத்தவரை, ஊதியத்தில் பிடித்தம் செய்யப்படும் வரித் தொகையில், காப்பீடு, முதலீடு உள்ளிட்ட பிரிவுகளின் கீழ் கிடைக்கும் வரிச் சலுகைகளை கணக்கு தாக்கலின்போது குறிப்பிட்டு, கூடுதலாக பிடித்தம் செய்த வரியை திரும்பப் பெறுகின்றனர். இவ்வாறு அதில் கூறப்பட்டுள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூலை 30,2021

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூலை 30,2021

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூலை 30,2021

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூலை 30,2021

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூலை 30,2021

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்