புதுடில்லி : நாட்டின் தயாரிப்பு துறை உற்பத்தி வளர்ச்சி, கடந்த ஜூலை மாதத்தில், அதற்கு முந்தைய இரண்டு மாதங்களை விட, மிக வலுவாக அதிகரித்துள்ளது. தேவைகள் அதிகரிப்பு மற்றும் கொரோனா கட்டுப்பாடுகளில் தளர்வு ஆகியவை காரணமாக, இந்த வளர்ச்சி எட்டப்பட்டுள்ளது .

பிரிட்டனை சேர்ந்த, ‘ஐ.எச்.எஸ்., மார்கிட்’ எனும் நிறுவனம், உலோகம், ரசாயனம், காகிதம், உணவு, ஜவுளி உள்ளிட்ட எட்டு பிரிவுகளைச் சேர்ந்த, 400 நிறுவனங்களின், ஜூலை மாத தயாரிப்பு நிலவரம் குறித்து ஆய்வு நடத்தி, அறிக்கை வெளியிட்டு உள்ளது. தயாரிப்பு துறையின் உற்பத்தி வளர்ச்சி அடிப்படையிலான, பி.எம்.ஐ., குறியீடு, கடந்த ஜூன் மாதத்தில் 48.1 புள்ளிகளாக இருந்த நிலையில், ஜூலையில் 55.3 புள்ளிகளாக அதிகரித்துள்ளது. கடந்த மே மாதத்தில், அதற்கு முந்தைய 10 மாதங்களில் இல்லாத வகையில் வீழ்ச்சியை சந்தித்திருந்த நிலையில், ஜூலையில் வலுவான முன்னேற்றம் ஏற்பட்டுள்ளது.

இக்குறியீடு, 50 புள்ளிகளுக்கு அதிகமாக இருந்தால், அது வளர்ச்சியை குறிக்கும். 50 புள்ளிகளுக்கு கீழே இருந்தால், சரிவைக் குறிக்கும்.‘‘ஜூன் மாதத்தில் காணப்பட்ட சரிவில் இருந்து, இந்திய தயாரிப்பு துறை மீண்டு வருவது ஊக்கமளிப்பதாக இருக்கிறது. ‘‘மூன்றில் ஒரு பங்கு நிறுவனங்கள் உற்பத்தியில், மாதாந்திர அதிகரிப்பை வெளிப்படுத்தி உள்ளன,’’ என ஐ.எச்.எஸ்., மார்கிட் பொருளாதார இணை இயக்குனர் பாலியானா டி லிமா தெரிவித்துஉள்ளார்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஆகஸ்ட் 03,2021

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஆகஸ்ட் 03,2021

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஆகஸ்ட் 03,2021

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஆகஸ்ட் 03,2021

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஆகஸ்ட் 03,2021

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்