புதுடில்லி:‘பியூச்சர்’ குழுமத்தின் சில்லரை வணிகங்களை, ‘ரிலையன்ஸ் ரீட்டெய்ல்’ நிறுவனம் வாங்குவது குறித்து அமேசான் தொடுத்த வழக்கில், உச்ச நீதிமன்றம் தனது தீர்ப்பை வழங்கியது.

தீர்ப்பு, அமேசான் நிறுவனத்துக்கு சாதகமாக வந்ததை அடுத்து, ரிலையன்ஸ் மற்றும் பியூச்சர் ரீட்டெய்ல் நிறுவனங்கள் இவ்விவகாரத்தில் பெரும் பின்னடவை சந்தித்துள்ளன. பியூச்சர் ரீட்டெய்ல் வணிகங்களை 24 ஆயிரத்து 713 கோடி ரூபாய்க்கு வாங்குவது என, ரிலையன்ஸ் ரீட்டெய்ல் நிறுவனம், இணைப்பு ஒப்பந்தம் ஒன்றை மேற்கொண்டது.

இந்தியாவில் செல்லாது

ஆனால், இந்த ஒப்பந்தத்துக்கு தடை விதிக்க வேண்டும் என, பியூச்சர் குழுமத்தில் முதலீடுகளை மேற்கொண்டிருக்கும் அமேசான் நிறுவனம், உச்ச நீதிமன்றத்திலும், சிங்கப்பூர் சர்வதேச நடுவர் மன்றத்திலும் வழக்கு தொடுத்தது. இதையடுத்து, சிங்கப்பூர் நடுவர் மன்றம், ரிலையன்ஸ் – பியூச்சர் நிறுவன இணைப்பு ஒப்பந்தத்துக்கு தடை விதித்தது.

சிங்கப்பூரில் அமேசானுக்கு சாதகமாக தீர்ப்பு வந்ததை அடுத்து, இந்த தீர்ப்பு இந்தியாவில் செல்லாது என கூறி, தீர்ப்பை அமல்படுத்துவதை எதிர்த்து, பியூச்சர் குழுமம் உச்ச நீதிமன்றத்தில் வழக்கு தொடுத்தது. இந்த வழக்கை விசாரித்த உச்ச நீதிமன்றம், சிங்கப்பூர் சர்வதேச நடுவர் மன்ற தீர்ப்பை ஏற்று அமல்படுத்த, இந்திய சட்டத்தின் கீழ் அனுமதி வழங்கி தீர்ப்பளித்து உள்ளது.

தீர்ப்பு வந்ததை அடுத்து, ரிலையன்ஸ் நிறுவனத்துடனான ஒப்பந்தத்தை செயல்படுத்த, இருக்கும் அனைத்து வழிகளையும் பின்பற்ற உத்தேசித்துள்ளதாக பியூச்சர் ரீட்டெய்ல் நிறுவனம் தெரிவித்துள்ளது. சரிவைக் கண்டனதீர்ப்பை அடுத்து, பியூச்சர் ரீட்டெய்ல் நிறுவனத்தின் பங்குகள் விலை நேற்று 10 சதவீதம் அளவுக்கு சரிவைக் கண்டன. இதேபோல் ரிலையன்ஸ் இண்டஸ்ட்ரீஸ் நிறுவன பங்குகள் விலை 2 சதவீதம் அளவுக்கு சரிவை சந்தித்தன.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஆகஸ்ட் 06,2021

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஆகஸ்ட் 06,2021

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஆகஸ்ட் 06,2021

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஆகஸ்ட் 06,2021

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஆகஸ்ட் 06,2021

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்