பல்வேறு வழிகளில் தங்கத்தில் முதலீடு செய்யலாம் எனும் நிலையில், இவற்றில் சிறந்த வாய்ப்பை தேர்வு செய்வது எப்படி என பார்க்கலாம்.


தங்கத்தில் முதலீடு செய்ய இது ஏற்ற தருணமாக கருதப்படுகிறது. தங்கத்தின் விலை இறங்குமுகமாகி அண்மையில், நான்கு மாதத்தில் இல்லாத அளவுக்கு குறைந்தது. எனினும், வரும் மாதங்களில் தங்கத்தின் விலை ஏறுமுகம் கொள்ளலாம் என கருதப்படுகிறது. விலை குறையும் போது தங்கத்தில் முதலீடு செய்வது ஏற்ற அணுகுமுறை என்றாலும், எந்த வடிவில் தங்க முதலீட்டை மேற்கொள்வது ஏற்றதாக இருக்கும் என்பதையும் பரிசீலிப்பது அவசியம்.


இடர் உண்டு


தங்க நகை தவிர, டிஜிட்டல் தங்கம், தங்க ஈ.டி.எப்., தங்க மியூச்சுவல் பண்டுகள், தங்க சேமிப்பு பத்திரங்கள் ஆகிய வடிவிலும் முதலீடு செய்யலாம். இவற்றில் எது சிறந்ததாக இருக்கும் என்பதை தீர்மானிக்க இடர் அம்சம், பலன், பணமாக்கம், வரி விதிப்பு உள்ளிட்ட அம்சங்களை மனதில் கொள்ள வேண்டும். பொதுவாக தங்கம் பாதுகாப்பான முதலீடாக கருதப்பட்டாலும், எல்லா முதலீடுகள் போலவே இதிலும் இடர் அம்சம் உண்டு.


உதாரணமாக தங்க நகை என்றால், அதை பாதுகாப்பாக வைத்திருக்க வேண்டும். மேலும் அதன் தரத்தை உறுதி செய்வதும் அவசியம். செய்கூலி, சேதாரம் போன்ற செலவுகளும் உள்ளன.டிஜிட்டல் தங்கத்தை பொருத்த வரை முதலீடு செய்வது எளிது என்றாலும், ரிசர்வ் வங்கி அல்லது செபி போன்ற கட்டுப்பாட்டு அமைப்புகளின் கீழ் இது வரவில்லை என்பதை உணர வேண்டும்.


தங்க ஈ.டி.எப்., மற்றும் தங்க மியூச்சுவல் பண்ட்கள் தங்க விலையின் ஏற்ற இறக்கத்தின் தாக்கத்தை கொண்டவை. தங்க சேமிப்பு பத்திரம் அரசால் வெளியிடப்படுகிறது என்றாலும், அதற்கு நிகரான பவுதீக தங்கம் கிடையாது. அரசின் உறுதி கொண்ட பத்திரமாக அது விளங்குகிறது.


முதலீடு பலன்


தங்க முதலீடு அளிக்கும் பலனும் அவற்றின் முதலீடு வழிக்கு ஏற்ப வேறுபடும். தங்க சேமிப்பு பத்திரம், தங்கத்தின் மதிப்பு தவிர, ஆண்டுக்கு, 2.5 சதவீத வட்டி பலன் அளிக்கிறது. தங்க ஈ.டி.எப்., எனில் தங்கத்தின் விலை போக்கிற்கு ஏற்ப பலன் பெறலாம். தங்க நகை எனில், செய்கூலி, சேதாரம் உள்ளிட்ட அம்சங்கள் பலனை குறைக்கலாம்.


பொதுவாக தங்கம் பணமாக்கும் தன்மையை கொண்டது என்றாலும், தங்க சேமிப்பு பத்திரம் எனில் முதிர்வு காலம் வரை காத்திருக்க வேண்டும்.வரி விதிப்பை பொருத்த வரை, தங்க முதலீட்டிற்கு குறுகிய மற்றும் நீண்ட கால மூலதன ஆதாய வரி பொருந்தும். தங்க பத்திரங்கள் எனும் முதிர்வு காலம் வரை வைத்திருந்தால் மூலதன ஆதாய வரி விலக்கு பெறலாம்.


இந்த அம்சங்களை எல்லாம் பரிசீலித்து பொருத்தமான முதலீடு வழியை தேர்வு செய்ய வேண்டும். நீண்ட கால நோக்கில் முதலீடு செய்யும் திட்டம் இருந்தால் தங்க பத்திரங்கள் ஏற்றதாக இருக்கும் என வல்லுனர்கள் கருதுகின்றனர்.

குறுகிய கால அளவு எனில் தங்க இ.டி.எப்., வழியை நாடலாம். எனினும், முதலீடு நோக்கில் தங்க நகை அல்லது டிஜிட்டல் தங்கம் உகந்தது அல்ல என வல்லுனர்கள் கருதுகின்றனர்.

மேலும் கம்மாடிட்டி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஆகஸ்ட் 15,2021

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஆகஸ்ட் 15,2021

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஆகஸ்ட் 15,2021

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஆகஸ்ட் 15,2021

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஆகஸ்ட் 15,2021

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்