பதிவு செய்த நாள்
24 ஆக2021
20:27
புதுடில்லி:உலகளவில், ‘மிகவும் ஈர்ப்பான உற்பத்தி மையங்கள்’ பட்டியலில், இந்தியா, அமெரிக்காவை விஞ்சி இரண்டாவது இடத்தை பிடித்துள்ளது. முதலிடத்தில் சீனா உள்ளது. இதற்கு முக்கியமான காரணம், உற்பத்தி செலவு மிகவும் குறைவாக இருப்பது தான் என, ரியல் எஸ்டேட் ஆலோசனை நிறுவனமான, ‘குஷ்மேன் அண்டு வேக்பீல்டு’ நிறுவனம் தெரிவித்துள்ளது.
இது குறித்து மேலும் தெரிவித்துள்ளதாவது:அமெரிக்கா, ஐரோப்பா, ஆசியா பசிபிக் ஆகியவற்றில் உள்ள 47 நாடுகளில், சீனா முதலிடத்தை மீண்டும் தக்கவைத்துக் கொண்டு இருக்கிறது.மூன்றாவது இடத்தை பிடித்துள்ள அமெரிக்காவை அடுத்து, பட்டியலில் கனடா, செக் குடியரசு, இந்தோனேஷியா, லித்துவேனியா, தாய்லாந்து, மலேசியா ஆகிய நாடுகள் வரிசையாக இடம்பெற்றுள்ளன.
கடந்த ஆண்டின் போது, அமெரிக்கா இரண்டாவது இடத்திலும், இந்தியா மூன்றாவது இடத்திலும் இருந்தது குறிப்பிடத்தக்கது. ஒரு நாட்டின் நான்கு முக்கிய அம்சங்களை அடிப்படையாக கொண்டு இந்த பட்டியல் தயாரிக்கப்படுகிறது. மீண்டும் விரைவாக உற்பத்தியை துவக்குதல், வணிக சூழல், உற்பத்தி செலவுகள், இடர்கள் ஆகியவற்றின் அடிப்படையில் தயாரிக்கப்படுகிறது.இவ்வாறு தெரிவிக்கப்பட்டுள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|