புதுடில்லி:கடந்த 2020 -- 21ம் நிதி ஆண்டுக்கான வருமான வரிக் கணக்கை தாக்கல் செய்வதற்கான காலக்கெடுவை, நீட்டிக்க வேண்டும் என பலதரப்பிலிருந்தும் கோரிக்கைகள் எழத் துவங்கி உள்ளன.

வருமான வரி தாக்கலுக்கான கடைசி தேதி செப்டம்பர் 30 என அறிவிக்கப்பட்டுள்ளது. ஆனால், கணக்கை தாக்கல் செய்வதற்கான புதிய இணையதளத்தில் பிரச்னைகள் இன்னும் சரிசெய்யப்படவில்லை. சிக்கல்கள் நீடிக்கின்றன. மேலும், ஆகஸ்ட் 21 மற்றும் 22ல் இணையதளம் முற்றாக செயல்படவில்லை.

இந்நிலையில், காலக்கெடுவை மீண்டும் நீட்டிக்க கோரி கோரிக்கைகள் எழத் துவங்கி உள்ளன.இது குறித்து துறையின் உயரதிகாரி ஒருவர் கூறியதாவது:இணையதள பிரச்னைகள் அனைத்தும் செப்டம்பர் 15ம் தேதிக்குள் தீர்க்கப்பட்டு விட வேண்டும் என, 'இன்போசிஸ்' நிறுவனத்துக்கு அறிவுறுத்தப்பட்டுள்ளது.

இதன்படி பார்த்தால், தனிநபர்களுக்கு கணக்கு தாக்கல் செய்ய 15 நாட்கள் அவகாசம் மட்டுமே கிடைக்கும். இதற்குள் அனைவரும் தாக்கல் செய்வது கடினம் என்பதால், கால அவகாசத்தை நீட்டிக்கும் கோரிக்கை பல முனைகளிலிருந்தும் வந்துகொண்டிருக்கின்றது.

கடந்த ஆண்டில் பல முறை அவகாசம் நீட்டிக்கப்பட்டது. முதலில் ஜூலை 31. அதன்பின் நவம்பர் 30. அதன்பின் டிசம்பர் 31 என்றும், அடுத்து இறுதியாக ஜனவரி 10 என்றும் தொடர்ந்து அவகாசம் நீட்டிக்கப்பட்டது.அதேபோல், இந்த ஆண்டிலும் அவகாசம் நீட்டிக்கப்படும் என்ற எதிர்பார்ப்பே அனைத்து தரப்பிலும் உள்ளது.இவ்வாறு அவர் கூறினார்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஆகஸ்ட் 28,2021

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஆகஸ்ட் 28,2021

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஆகஸ்ட் 28,2021

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஆகஸ்ட் 28,2021

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஆகஸ்ட் 28,2021

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்