புதுடில்லி:‘‘மத்திய அரசின் பல்வேறு ஊக்குவிப்பு திட்டங்களால், நிதிதொழில்நுட்ப சந்தை, 2025ல், மூன்று மடங்கு உயர்ந்து, 6 லட்சத்து 20 ஆயிரத்து 700 கோடி ரூபாயாக உயரும்,’’ என, மத்திய நிதித் துறை இணையமைச்சர் பகவத் காரத் தெரிவித்துள்ளார்.

இந்தியாவில், 2ஆயிரத்திற்கும் மேற்பட்ட நிறுவனங்கள், நிதிதொழில்நுட்ப துறையில் உள்ளன. இந்நிறுவனங்கள், இணையம் வழியே நிதிப் பரிவர்த்தனைகள் உள்ளிட்டவற்றை சுலபமாக மேற்கொள்ள உதவுகின்றன. ‘மொபிக்விக், பேடிஎம், பேபால்’ போன்ற நிறுவனங்ளை இதற்கு உதாரணமாக கூறலாம்.

இந்நிலையில், டில்லியில் இந்திய தொழில் மற்றும் வர்த்தக கூட்டமைப்பான – அசோசெம் ஏற்பாடு செய்த நிகழ்ச்சியில், மத்திய இணையமைச்சர் பகவத் காரத் பேசியதாவது:மத்திய அரசு ‘டிஜிட்டல் இந்தியா’ உள்ளிட்ட பல்வேறு திட்டங்களின் கீழ், மின்னணு தொழில்நுட்ப துறை வளர்ச்சிக்கு பாடுபட்டு வருகிறது.இதனால், வளரும் நாடுகளில் நிதிதொழில்நுட்ப பயன்பாட்டில், இந்தியா, குறுகிய காலத்தில் முதலிடத்தை பிடித்துள்ளது.

உலக நாடுகளின் நிதிதொழில்நுட்ப பயன்பாட்டு வளர்ச்சி, சராசரியாக, 64 சதவீதமாக உள்ளது. ஆனால், இந்தியாவில், 87 சதவீதமாக உயர்ந்து காணப்படுகிறது. கடந்த 2019ல், நாட்டின் நிதிதொழில்நுட்ப சந்தை மதிப்பு, ஆயிரத்து 920 கோடி ரூபாயாக இருந்தது.

இது, மூன்று மடங்கு உயர்ந்து, 2025ல், 6 லட்சத்து 20 ஆயிரத்து 700 கோடி ரூபாயாக அதிகரிக்கும். இதனால், நிதிதொழில்நுட்ப துறையில் வேலைவாய்ப்புகள் அதிகரிக்கும். ஏராளமான வல்லுனர்கள் உருவாகுவர். இதன் காரணமாக, நிதிதொழில்நுட்பத்தின் மையமாக, இந்தியா உருவெடுக்கும்.இவ்வாறு அவர் பேசினார்.

‘டாப்’ 10 நிறுவனங்கள்

பேடிஎம், மொபிக்விக், லென்டிங்கார்ட், ரேசர்பே,பாலிசிபஜார்,கேப்பிடல் புளோட்,பைன் லேப்ஸ்,போன்பி,பில்டெஸ்க்,கிளியர்டேக்ஸ்

மேலும் வங்கி மற்றும் நிதி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு செப்டம்பர் 08,2021

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் செப்டம்பர் 08,2021

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது செப்டம்பர் 08,2021

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி செப்டம்பர் 08,2021

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு செப்டம்பர் 08,2021

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்