பதிவு செய்த நாள்
16 செப்2021
19:51
புதுடில்லி:உலகிலேயே மிகவும் வேகமாக வளரக்கூடிய பொருளாதாரமாக இந்தியா இருப்பதாக, ஐக்கிய நாடுகள் சபையின் ஆய்வறிக்கை ஒன்று தெரிவித்துள்ளது.
உலகளவிலான பொருளாதார வளர்ச்சியில், இந்தியாவை அடுத்து சீனா இருக்கும் என்றும், அந்த ஆய்வு தன் கணிப்பை வெளியிட்டுள்ளது.ஐக்கிய நாடுகள் சபையின் வர்த்தகம் மற்றும் மேம்பாடு குறித்த கூட்டத்தில், இந்த அறிக்கை வெளியிடப்பட்டுள்ளது.
அதில் தெரிவிக்கப்பட்டுள்ளதாவது:இந்தியா, 2022ம் ஆண்டில் 6.7 சதவீதம் வளர்ச்சி பெறும் என கணிக்கப்பட்டுள்ளது. இதுவே, உலகின் மிக வேகமான வளர்ச்சியாக இருக்கும்.சீனா 5.7 சதவீத வளர்ச்சியை பெறும் என கணிக்கப்பட்டு, இரண்டாவது இடத்தில் உள்ளது. இருப்பினும், 2021ல் சீனாவின் வளர்ச்சி 8.3 சதவீதமாக இருக்கும். இந்தியாவின் வளர்ச்சி 2021ல் 7.2 சதவீதமாக இருக்கும்.உலகளவிலான பொருளாதார வளர்ச்சி 5.3 சதவீதமாக இருக்கும்.
இது, கடந்த 50 ஆண்டுகளில் இல்லாத வளர்ச்சியாக இருக்கும்.சில நாடுகள், 2019ல் இருந்த வளர்ச்சியை விட கூடுதல் வளர்ச்சியை காணும். இருப்பினும், மேற்கொண்டு கொரோனா பாதிப்புகள் அதிகம் இருக்காது என கொண்டாலும் கூட, பல நாடுகள் கொரோனாவுக்கு முந்தைய வளர்ச்சியை காண, 2030ம் ஆண்டு வரைகூட ஆகக் கூடும். இது, இரண்டாவது உலகப் போருக்குப் பிந்தைய நிலையை நினைவுபடுத்துவதாக இருக்கிறது.இவ்வாறு அந்த அறிக்கையில் தெரிவிக்கப்பட்டுள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|