மும்பை:‘பேஸ்புக்’ நிறுவனம், அடுத்த வாரத்தில் தன்னுடைய பெயரை மாற்ற திட்டமிட்டுள்ளதாக செய்திகள் வெளியாகி உள்ளன.

சமூக ஊடக நிறுவனமான பேஸ்புக், அடுத்தகட்டமாக மெய்நிகர் ஆன்லைன் உலகமான ‘மெட்டாவெர்ஸ்’ நோக்கி தன்னுடைய கவனத்தை திருப்பி வருவதாகவும், அதனை பிரதிபலிக்கும் வகையில், நிறுவனத்தின் பெயரை மாற்ற திட்டமிட்டுள்ளதாகவும் செய்திகள் வெளியாகி உள்ளன.

இம்மாதம் 28ம் தேதியன்று நடைபெற இருக்கும் ஆண்டு கூட்டத்தின்போது, பேஸ்புக் தலைமை செயல் அதிகாரி மார்க் ஜுக்கர்பெர்க், இந்த பெயர் மாற்றம் குறித்து அறிவிப்பார் என எதிர்பார்க்கப்படுகிறது.பேஸ்புக் நிறுவனம், கூகுளின் தாய் நிறுவனமான ‘ஆல்பபெட்’ நிறுவனத்தை போல, அதன் அனைத்து சமூக ஊடக பிரிவுகளையும் ஒரு குடையின் கீழ் கொண்டுவரும் முயற்சியில் ஈடுபட்டுள்ளது என, ‘வெர்ஜ்’ இதழ் தெரிவித்துள்ளது.

‘இன்ஸ்டாகிராம், வாட்ஸ் ஆப், பேஸ்புக்’ ஆகியவற்றை ஒருங்கிணைத்து, ஒரே தளத்தில் அணுகும் முயற்சியில் பேஸ்புக் இறங்கி இருப்பதாகவும் அது தெரிவித்துள்ளது.கடந்த ஜூலை மாதம், “அடுத்துவரும் ஆண்டுகளில், மக்கள் எங்களை முதன்மையாக ஒரு சமூக ஊடக நிறுவனமாகப் பார்ப்பதிலிருந்து மாறி, ஒரு மெட்டாவெர்ஸ் நிறுவனமாக பார்ப்பார்கள்” என மார்க் தெரிவித்திருந்தார்.

மேலும், பேஸ்புக் நிறுவனம், அண்மையில் 10 ஆயிரம் பேர்களை மெட்டாவெர்ஸ் பணிக்கு அமர்த்த இருப்பதாக தெரிவித்திருந்தது. இவற்றின் தொடர்ச்சியாக, தற்போது இந்த பெயர் மாற்றம் குறித்த செய்தி வெளியாகி இருக்கிறது.

இருப்பினும், பெயர்மாற்றம் குறித்து அதிகாரப்பூர்வ அறிவிப்பு எதையும் பேஸ்புக் இதுவரை வெளியிடவில்லை. மேலும், யூகங்களுக்கு பதில் தெரிவிக்க இயலாது என்றும் பேஸ்புக் தெரிவித்துள்ளது.தொடர்ந்து பல நாடுகளில் பல்வேறு விமர்சனங்களுக்கும், நடவடிக்கைகளுக்கும் பேஸ்புக் ஆளாகி வரும் நிலையில், இப்பெயர் மாற்றம் நிறுவனத்திற்கு உதவிகரமாக இருக்கும் என கருதப்படுகிறது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு அக்டோபர் 20,2021

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் அக்டோபர் 20,2021

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது அக்டோபர் 20,2021

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி அக்டோபர் 20,2021

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு அக்டோபர் 20,2021

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்