பதிவு செய்த நாள்
28 அக்2021
00:32
உள்நாட்டில் பயண செய்ய விரும்புவோரின் எண்ணிக்கை 290 சதவீதம் அதிகரித்திருப்பதாக இந்தியாவின் முன்னணி பயண சேவை நிறுவனமான தாமஸ் குக் (இந்தியா) நிறுவனம் தெரிவித்துள்ளது.
18 மாதகட்டுப்பாடுகளுக்குப்பின், மாநில எல்லைகள் திறக்கப்பட்டது மற்றும் தடுப்பூசி போடுதல் போன்ற நேர்மறையான நடவடிக்கைகள் காரணமாக மக்களிடையே பயணம் மேற்கொள்வதற்கான ஆர்வம் அதிகரித்து காணப்படுகிறது. இது ஊரடங்கு தளர்த்தப்பட்ட ஜூன் மாதத்தில் இருந்து மாதந்தோறும் அதிகரித்து தற்போது 68 சதவீதமாக உயர்ந்து உள்ளது என்று இந்நிறுவனம் தெரிவித்துள்ளது.
வரவிருக்கும் பண்டிகை மற்றும் குளிர் காலம் மற்றும் எக்ஸ்போ 2020 துபாய் ஆகியவற்றின் காரணமாக தொற்று நோய்க்கு முந்தைய நிலையில் 55 சதவீதத்தில் இருந்து மீண்டு வருகிறது. இது உள்நாட்டு பயணத்தில் 290 சதவீதமாகவும் சர்வதேச பயணத்தை பொறுத்தவரை 60 சதவீதமாகவும் உயர்ந்துள்ளது. துபாய் எக்ஸ்போ 2020 காரணமாக தற்போது மாலத்தீவு, சுவிட்சர்லாந்து, பிரான்ஸ், துருக்கி, எகிப்து, ரஷ்யா மற்றும் துபாய் உள்ளிட்ட நாடுகள் வாடிக்கையாளர்களுக்கு மிகவும் பிடித்தமான இடங்களாக உள்ளன. திருமணம் மற்றும் தேனிலவு போன்றவற்றிற்கான பயணங்களும் அதிகரித்திருப்பதாக இந்நிறுவனம் கூறியுள்ளது.
தாமஸ் குக் இந்தியா நிறுவனம் தமிழகத்தில் தனது செயல்பாட்டை விரிவுபடுத்தும் விதமாக சென்னை, மதுரை, திருச்சி, சேலம் மற்றும் புதுச்சேரி ஆகிய நகரங்களில் 11க்கும் மேற்பட்ட சொந்தமான பயண ஏற்பாட்டு மையங்கள் மற்றும் முகவர்களைக் கொண்டுள்ளது. பண்டிகை கால சிறப்பு சலுகை:தாமஸ் குக் இந்தியா நிறுவனம் ஒன்றுக்கு ஒன்று இலவசம் என்னும் சிறப்பு சலுகையை அறிவித்துள்ளது. இதன் மூலம் இந்தியா மற்றும் சர்வதேச நாடுகளின் குறிப்பிட்ட இடங்களுக்கு தங்களுடன் கூட ஒருவரை அழைத்துச் செல்லலாம். ஆரம்ப கால சலுகையாக 60 ஆயிரம் ரூபாய் செலுத்தி ஐரோப்பாவின் குறிப்பிட்ட இடங்களுக்கு குடும்பத்துடன் சுற்றுலா செல்லலாம்; இந்தியாவில் சுற்றுலா செல்பவர்களுக்கு 10 ஆயிரம் ரூபாய் மதிப்புள்ள தாஜ் கூப்பன் வழங்கப்படுகிறது.
இது குறித்து தாமஸ் குக் (இந்தியா) நிறுவனத்தின் பொழுதுபோக்கு பயணப் பிரிவின் துணைத் தலைவர் சந்தோஷ் கண்ணா கூறுகையில், நடப்பு ஆண்டின் 4வது காலாண்டில் சுற்றுலாவை துரிதப்படுத்தும் விதமாக பண்டிகை மற்றும் குளிர்கால மற்றும் குழு சுற்றுலாவுக்கு ஏராளமான சலுகைகளை அறிவித்துள்ளோம், என்று தெரிவித்தார்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|