ஹெல்த்கேரில் இறங்கும் ‘பிளிப்கார்ட்’
‘பிளிப்கார்ட்’ நிறுவனம், டிஜிட்டல் ஹெல்த்கேர் துறையிலும் நுழைகிறது. இதன் முதல்படியாக, கோல்கட்டாவை சேர்ந்த, ‘ஆன்லைன்’ மருந்தகம் மற்றும் டிஜிட்டல் ஹெல்த்கேர் தளம் ஆகியவற்றை நடத்தி வரும் ‘சஸ்தாசுந்தர் டாட் காம்’ நிறுவனத்தின் பெரும்பான்மையான பங்குகளை கையகப்படுத்தி உள்ளது.
ஆலோசனை குழுவின் கணிப்பு
நாட்டின் பொருளாதார வளர்ச்சி, அடுத்த நிதியாண்டில் 7 – 7.5 சதவீதமாக இருக்கும் என, பிரதம மந்திரியின் பொருளாதார ஆலோசனை குழு தெரிவித்துள்ளது.ஏற்கனவே பன்னாட்டு நிதியம், இந்தியாவின் பொருளாதார வளர்ச்சி அடுத்த நிதியாண்டில் 8.5 சதவீதமாக இருக்கும் என்று அறிவித்துள்ளதும் குறிப்பிடத்தக்கது.
கிரிப்டோகரன்சிக்கு வரி
‘கிரிப்டோகரன்சி’ முதலீட்டின் வாயிலாக பெறப்படும் லாபத்தை, வருமான வரிக்குள் கொண்டு வரும் வகையில், வருமான வரி சட்டத்தில் விரிவான திருத்தத்தை கொண்டு வருவது குறித்து, அரசு ஆலோசித்து வருவதாக கூறப்படுகிறது. இதற்கான அறிவிப்பு வரும் பட்ஜெட் உரையில் வெளியிடப்படும் என்றும் அதிகாரிகள் தெரிவிக்கின்றனர்.
காகித பாலிசி ஆவணம்
காப்பீட்டு பாலிசி எடுக்கும் வாடிக்கையாளர்களில், கிட்டத்தட்ட 80 சதவீதத்துக்கும் மேற்பட்டவர்கள், இன்னும் பாலிசிகளை, காகித ஆவணமாகவே பெற்றுக்கொள்ள விரும்புகிறார்கள் என்பது ஆய்வு ஒன்றின் வாயிலாக தெரியவந்துள்ளது. அதேபோல், இழப்பீடு கோரும்போது, பெரும்பாலான காப்பீட்டு நிறுவனங்கள் ஒரிஜினல் காகித ஆவணத்தை சமர்ப்பிக்குமாறு கோருகின்றன.
சுந்தரம் அசெட் மேனேஜ்மென்ட்
‘பிரின்சிபல் அசெட் மேனேஜ்மென்ட்’ நிறுவனத்தின் சொத்து மேலாண்மை வணிகத்தை ‘சுந்தரம் அசெட் மேனேஜ்மென்ட்’ வாங்குவதற்கு, பங்குச் சந்தை கட்டுப்பாட்டு அமைப்பான ‘செபி’ அனுமதி வழங்கி உள்ளது. சுந்தரம் அசெட் மேனேஜ்மென்ட் நிறுவனம், சுந்தரம் பைனான்ஸ் நிறுவனத்தின் 100 சதவீத துணை நிறுவனமாகும்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு நவம்பர் 19,2021

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் நவம்பர் 19,2021

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது நவம்பர் 19,2021

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி நவம்பர் 19,2021

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு நவம்பர் 19,2021

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்