பதிவு செய்த நாள்
20 நவ2021
13:25
தீபங்களின் திருவிழா தீபாவளி. கனடாவை இரண்டாவது தாயகமாக ஏற்றுக்கொண்ட இரண்டு மில்லியனுக்கும் அதிகமான தெற்காசிய மக்களுக்கு இந்த தீபாவளி பண்டிக்கை மிக முக்கியமானது. பல கலாச்சார மக்களுக்கும், மதத்தவர்களுக்கும் தீபாவளி என்பது குடும்பங்கள் ஒன்று கூடி உணவுகளுடன் கொண்டாடும் பாரம்பரிய பண்டிகையாகும்.
இந்நிலையில் போர்டு நிறுவனத்தின் எஸ்யுவி ரக காரான எஸ்கேப், தீபாவளியை கொண்டாடும் விதமாக குறும்படம் மாதிரியான வீடியோ ஒன்றை வெளியிட்டுள்ளனர். அதில் இரண்டு ஆண்டுகளாக தனது தந்தையை பிரிந்து டொராண்டோவில் இருக்கும் மகள், தனது கணவர், குழந்தையுடன் காரில் தனியாக இருக்கும் தந்தையை பார்க்க செல்வதுடன், தீபாவளியை கொண்டாட செல்வது போன்று உணர்வுப்பூர்வமாக அமைத்துள்ளனர். வயதான காலத்தில் தனிமையில் இருப்பது, உறவுகளை காண அவர்கள் ஏங்கி தவிப்பது, அதேப்போல் தந்தையை காணும் ஏக்கத்திலும், மகிழ்ச்சியிலும் உள்ள மகளின் தவிப்பு ஆகியவற்றை இந்த வீடியோவில் உணர்வுப்பூர்வமாக காண்பித்துள்ளனர். இறுதியாக There's no escape like home என்ற வாசகத்துடன் வீடியோ முடிகிறது. அதன் உடன் போர்டு காரின் அம்சங்கள் பற்றியும் அந்த வீடியோவில் ஆங்காங்கே வருவது போன்று எடுத்துள்ளனர்.
இந்த வீடியோவை எத்தனிசிட்டி மேட்டர்ஸின் வாசீம் சாஹிக் மற்றும் அவரது குழுவினர் உருவாக்கி உள்ளனர். இந்த காட்சிகள் முழுக்க டொராண்டோவில் படமாக்கப்பட்டுள்ளது. இந்திய இசையமைப்பாளர் ஆதித்யா அசோக் பின்னணி இசை அமைத்துள்ளார். முழு வீடியோ இணையதளங்களிலும், சமூகவலைதளங்களிலும் வெளியிடப்பட்டுள்ளது. 30 மற்றும் 15 நொடி வீடியோக்கள் தெற்கு ஆசிய தொலைக்காட்சிகளில் வெளியிடப்பட்டுள்ளது.
வீடியோவை காண அருகில் உள்ள லிங்க்கை கிளிக் செய்யவும் : www.fordtodealers.ca
மேலும் பொது செய்திகள்
|
Advertisement
|
Advertisement
|
Advertisement
|
|
|
|