பதிவு செய்த நாள்
30 நவ2021
10:10
புதுடில்லி : இந்த வாரம், இரண்டு நிறுவனங்கள், மொத்தம் 7,868 கோடி ரூபாய் திரட்டும் வகையில், ஐ.பி.ஓ., எனும் புதிய பங்கு வெளியீட்டுக்கு வருகின்றன.
‘ஸ்டார்ஹெல்த் அண்டு அலய்டு இன்சூரன்ஸ்’ நிறுவனமும், ‘டேகா இண்டஸ்ட்ரீஸ்’ நிறுவனமும் இந்த வாரம் புதிய பங்கு வெளியீட்டுக்கு வருகின்றன.இதில், ஸ்டார் ஹெல்த் இன்சூரன்ஸ் நிறுவனத்தின் புதிய பங்கு வெளியீடு, நாளை துவங்கி, டிசம்பர் 2ம் தேதியுடன் முடிவடைகிறது.
இதேபோல், டேகா இண்டஸ்ட்ரீஸ் நிறுவனத்தின் புதிய பங்கு வெளியீடு, டிசம்பர் 1ம் தேதி துவங்கி, 3ம் தேதியுடன் முடிவடைகிறது.நடப்பு நவம்பர் மாதத்தில் மட்டும், இதுவரை 10 நிறுவனங்கள் வெற்றிகரமாக புதிய பங்கு வெளியீட்டை மேற்கொண்டுள்ளன என்பது குறிப்பிடத்தக்க விஷயமாகும்.
மேலும், நடப்பு ஆண்டில், இதுவரை 51 நிறுவனங்கள், புதிய பங்கு வெளியீட்டை மேற்கொண்டு, கிட்டத்தட்ட 1 லட்சம் கோடி ரூபாய்க்கும் அதிகமாக நிதி திரட்டி உள்ளன.தற்போது, ஸ்டார்ஹெல்த் நிறுவனம் 7,249 கோடி ரூபாயும்; டேகா இண்டஸ்ட்ரீஸ் 619 கோடி ரூபாயும் திரட்ட திட்டமிட்டுஉள்ளன.
மேலும் பங்கு வர்த்தகம் செய்திகள்
|
Advertisement
|
Advertisement
|
Advertisement
|
|
|
|