பதிவு செய்த நாள்
08 டிச2021
22:09
புதுடில்லி:மருந்து துறையைச் சேர்ந்த ‘மெட்பிளஸ் ஹெல்த் சர்வீசஸ்’ நிறுவனத்தின் புதிய பங்கு வெளியீடு, வரும், 13ம் தேதி துவங்கி, 15ம் தேதி முடிவடைகிறது. ஒரு பங்கின் குறைந்தபட்ச விலை, 780 ரூபாய்; அதிகபட்ச விலை, 796 ரூபாயாக நிர்ணயிக்கப்பட்டுள்ளது.
சில்லரை முதலீட்டாளர்கள் குறைந்தபட்சம், 18 பங்குகள் மற்றும் அதன் மடங்குகளில் முதலீடு செய்யலாம். மெட்பிளஸ் நிறுவன ஊழியர்களுக்கு, 5 கோடி ரூபாய் மதிப்புள்ள பங்குகள் ஒதுக்கீடு செய்யப்பட உள்ளன. அத்துடன், ஊழியர்களுக்கு பங்கின் இறுதி விலையில், 78 ரூபாய் குறைத்து வழங்கப்படுவதாக நிறுவனம் தெரிவித்துள்ளது.
கடந்த, 2006ல் கங்காடி மதுகர் ரெட்டி என்பவர், ஐதராபாதில் மெட்பிளஸ் ஹெல்த் சர்வீசஸ் நிறுவனத்தை துவக்கினார். மருந்துகள், மருத்துவ சாதனங்கள், குழந்தைகள் மற்றும் தனிநபர் பராமரிப்பு பொருட்கள் உட்பட பல்வேறு பொருட்களை இந்நிறுவனம் விற்பனை செய்து வருகிறது. ஆந்திரா, தமிழகம், கர்நாடகா, ஒடிசா, மேற்கு வங்கம், மஹாராஷ்டிரா ஆகிய மாநிலங்களில் இந்நிறுவனத்திற்கு, 2,000த்திற்கும் மேற்பட்ட மருந்து கடைகள் உள்ளன.
மேலும் பங்கு வர்த்தகம் செய்திகள்
|
Advertisement
|
Advertisement
|
Advertisement
|
|
|
|