பதிவு செய்த நாள்
14 டிச2021
20:20
‘மூட்ஸ்’ தனியார்மயமாகிறது‘
எச்.எல்.எல்., லைப் கேர்’ நிறுவனம் மற்றும் ‘புராஜெக்ட்ஸ் அண்டு டெவலப்மென்ட் இந்தியா’ எனும் இரு பொதுத்துறை நிறுவனங்களில், அரசு அதன் 100 சதவீத பங்குகளை விற்பனை செய்ய உள்ளது. இதில், எச்.எல்.எல்., லைப் கேர் நிறுவனம், அதன் ‘மூட்ஸ்’ எனும் ஆணுறை தயாரிப்பால் மிகவும் பிரபலமடைந்தது குறிப்பிடத்தக்கது.
போலி வர்த்தக செயலிகள்
இந்தியாவில், போலி மின்னணு வர்த்தக செயலிகள், கடந்த அக்டோபர் மாதத்தில் அதிகளவில் பதிவிறக்கம் செய்யப்பட்டுள்ளது என, ‘எம்பில்டர்இட்’ எனும் நிறுவனத்தின் ஆய்வு தெரிவிக்கிறது.பண்டிகை காலத்தை முன்னிட்டு, மொத்த பதிவிறக்கத்தில் போலி மின்னணு வர்த்தக செயலிகள் பதிவிறக்கம் 51 சதவீதமாக இருந்ததாக தெரிவித்துள்ளது.
‘டாடா – மைக்ரோசாப்ட்’ பேச்சு‘
டாடா’ குழுமம், அதன் டிஜிட்டல் வணிகத்தில், ‘மைக்ரோசாப்ட்’ நிறுவனம் முதலீடு செய்வது குறித்து, பேச்சு நடத்தி வருகிறது.‘ரிலையன்ஸ் இண்டஸ்ட்ரீஸ்’ நிறுவனத்தின் மின்னணு வர்த்தகத்துக்கு போட்டியாக, டாடா நிறுவனமும் மிகப் பெரிய டிஜிட்டல் வர்த்தகத்தை துவக்க உள்ளது.இதன் தொடர்ச்சியாக, இதில் துணிகர முதலீடுகளை மேற்கொள்வது சம்பந்தமாக, பல நிறுவனங்களுடன் டாடா பேச்சு நடத்தி வருகிறது.
ஐந்து இந்திய பிராண்டுகள்உலகின் ‘டாப் – 100’
ஆடம்பரப் பொருட்களின் பட்டியலில், ஐந்து இந்திய பிராண்டுகள் இடம்பெற்று உள்ளன. ‘டெலாய்ட்’ அறிக்கையின்படி, இந்த பட்டியலில் ‘டைட்டன், கல்யாண் ஜூவல்லர்ஸ், ஜாய் ஆலுகாஸ், பி.சி.,ஜூவல்லர்ஸ், திரிபோவன்தாஸ் பீம்ஜி ஜவேரி’ ஆகிய நிறுவனங்கள் இடம்பெற்றுள்ளன.
‘ரிலையன்ஸ் நேவல்’ ஏலம்‘
ரிலையன்ஸ் நேவல் அண்டு இன்ஜினியரிங்’ நிறுவனத்தை வாங்குவதற்காக நடைபெற்று வந்த நீண்ட நாள் போட்டியில், மும்பையை சேர்ந்த தொழிலதிபரான, நிகில் வி மெர்ச்சன்ட் தலைமையிலான கூட்டமைப்பு வெற்றி பெற்று உள்ளதாக தெரியவந்துள்ளது.அனில் அம்பானி தலைமையிலான, ரிலையன்ஸ் நேவல் நிறுவனத்தை ஏலத்தில் எடுக்க, மூன்று நிறுவனங்கள் போட்டியிட்டன.
மேலும் பொது செய்திகள்
|
Advertisement
|
Advertisement
|
Advertisement
|
|
|
|