புதுடில்லி:இந்தாண்டு ஏப்., – டிச., 16 வரையிலான காலத்தில், நிறுவனங்களும், தனி நபர்களும் முன்கூட்டியே செலுத்திய வருமான வரி, 65.5 சதவீதம் உயர்ந்து, 3 லட்சத்து 45 ஆயிரம் கோடி ரூபாயாக அதிகரித்துள்ளது. நிறுவனங்கள், அவற்றின் வர்த்தக நிலவரத்திற்கு ஏற்ப, வருமான வரியை உத்தேசமாக கணக்கிட்டு முன்கூட்டியே செலுத்துகின்றன.
அதிகரிப்பு
அதன்பின் முழு நிதியாண்டிற்கான வரியை கணக்கிட்டு, சலுகைகள் போக கூடுதலாக செலுத்திய தொகையை திரும்பப் பெறுகின்றன.இதன்படி, நடப்பு 2021 – 22ம் நிதியாண்டில் ஏப்., 1 – டிச., 16 வரையிலான காலத்தில் நிறுவனங்கள், தனிநபர்கள் செலுத்திய முன்கூட்டிய வரி, 65.5 சதவீதம் உயர்ந்து, 3 லட்சத்து 45 ஆயிரம் கோடி ரூபாயாக அதிகரித்து உள்ளது.
இது, கடந்த 2020–21ம் நிதியாண்டின் இதே காலத்தில், 2 லட்சத்து 8 ஆயிரம் கோடி ரூபாயாக இருந்தது.இதில் நிறுவனங்கள் செலுத்திய முன்கூட்டிய வரி, 55 சதவீதம் உயர்ந்து, 1 லட்சத்து 60 ஆயிரம் கோடி ரூபாயில் இருந்து, 2 லட்சத்து 50 ஆயிரம் கோடி ரூபாயாக அதிகரித்துள்ளது.
வளர்ச்சி பாதை
தனிநபர் செலுத்திய வரி, 98 சதவீதம் வளர்ச்சி கண்டு, 47 ஆயிரத்து 865 கோடி ரூபாயில் இருந்து 97 ஆயிரத்து 719 கோடி ரூபாயாக உயர்ந்துள்ளது.நடப்பு நிதியாண்டில் அக்., – டிச., 16 வரை முன்கூட்டிய வரி வசூல், 90 சதவீதம் உயர்ந்து, 49 ஆயிரத்து 536 கோடியில் இருந்து, 94ஆயிரத்து 107 கோடி ரூபாயாக அதிகரித்துள்ளது.

இதில், நிறுவனங்கள் செலுத்திய வரி, 75 சதவீதம் உயர்ந்து, 31 ஆயிரத்து 107 கோடியில் இருந்து, 54 ஆயிரத்து 445 கோடி ரூபாயாக உயர்ந்து உள்ளது. இதே காலத்தில் தனி நபர் செலுத்திய முன்கூட்டிய வரி வாயிலான வசூல், 115 சதவீதம் உயர்ந்து, 39 ஆயிரத்து 662 கோடி ரூபாயாக அதிகரித்துஉள்ளது.
முன்கூட்டியே செலுத்தும் வரி அதிகரித்திருப்பது, நாட்டின் பொருளாதாரம், வளர்ச்சிப் பாதையில் செல்வதை குறிப்பதாக வல்லுனர்கள் தெரிவித்து உள்ளனர்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு டிசம்பர் 17,2021

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் டிசம்பர் 17,2021

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது டிசம்பர் 17,2021

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி டிசம்பர் 17,2021

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு டிசம்பர் 17,2021

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்