பதிவு செய்த நாள்
01 ஜன2022
01:01
புதுடில்லி:முகேஷ் அம்பானி தலைமையிலான, ‘ரிலையன்ஸ் இண்டஸ்ட்ரீஸ்’ பேட்டரி தயாரிப்பில் ஈடுபட்டுள்ள, பிரிட்டனை சேர்ந்த ‘பராடியன்’ நிறுவனத்தை கையகப்படுத்தி உள்ளது.
ரிலையன்ஸ் இண்டஸ்ட்ரீஸின் துணை நிறுவனமான ‘ரிலையன்ஸ் நியூ எனர்ஜி சோலார்’ பராடியன் நிறுவனத்தின் 100 சதவீத பங்குகளை வாங்குவதற்காக கையெழுத்திட்டு உள்ளது.கிட்டத்தட்ட 1,003 கோடி ரூபாய் மதிப்பில், இந்த 100 சதவீத பங்குகளும் வாங்கப்படுவதாக அறிவிக்கப்பட்டுள்ளது.
‘சோடியம் அயான் பேட்டரி’ தயாரிப்பில் ஈடுபட்டுள்ள பராடியன் நிறுவனத்தில், கூடுதலாக 250 கோடி ரூபாயை முதலீடு செய்து, அதன் வணிகத்தை மேம்படுத்த உள்ளது, ரிலையன்ஸ்.
பராடியன் நிறுவனம், உலகளவில் முக்கியமான பேட்டரி தொழில்நுட்ப நிறுவனமாகும். கடந்த அக்டோபரிலிருந்து, இந்த நிறுவனத்தை கையகப்படுத்தும் முயற்சியில் ரிலையன்ஸ் இறங்கி இருந்தது.‘லித்தியம் அயான் மற்றும் லெட் ஆசிட்’ பேட்டரிகளுக்கு சிறந்த மாற்றாக, இந்த சோடியம் அயான் பேட்டரிகள் இருக்கும் எனக் கருதப்படுகிறது.குறைந்த விலை கொண்டதாகவும், வேகமாக சார்ஜ் ஆகும் வகையிலும் இந்த பேட்டரி இருக்கும் என்கின்றனர்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|