பதிவு செய்த நாள்
10 ஜன2022
22:54
உலகின் புகழ்பெற்ற இரு சக்கர வாகனங்கள் மற்றும் மூன்று சக்கர வாகன உற்பத்தி நிறுவனங்களில் ஒன்றாக முன்னணி வகிக்கும் டிவிஎஸ் மோட்டார் நிறுவனம், தனது டிவிஎஸ் ரேடியான் வாகனத்தை 'ரெட் & பிளாக்' மற்றும் 'ப்ளூ & ப்ளாக்' ஆகிய இரண்டு புத்தம் புதிய டூயல் டோன் வண்ணங்களில் அறிமுகப்படுத்துகிறது.
இந்க வண்ணக் கலவை க்ளாசிக் மோட்டார் சைக்கிளிங் உலகின் உத்வேகமளிக்கும் வண்ணக்கலவைகளினால் ஈர்க்கப்பட்டு அசத்தலான தோற்றத்திற்காக பயன்படுத்தப்பட்டுள்ளது. மோட்டார் சைக்கிள் வாகனப் பிரிவில் வாடிக்கையாளர்களுக்கு டூயல் டோன் விருப்பங்களை அறிமுகப்படுத்தும் முதல் மோட்டார் சைக்கிள் டிவிஎஸ் ரேடியான் என்பது குறிப்பிடத்தக்து.
2018-ல் இந்த வாகனம் அறிமுகப்படுத்தப்பட்டது முதலிருந்து டிவிஎஸ் ரேடியான் தனது அபாரமான செயல்திறன், இவ்வாகனப் பிரிவிலேயே மிகச் சிறப்பான அம்சங்கள் மற்றும் வாடிக்கையாளர்களை மையமாகக் கொண்ட அட்டகாசமான வடிவமைப்புகளால் வாடிக்கையாளர்களை மகிழ்வித்து வருகிறது.
டிவிஎஸ் ரேடியான் வாகனம் அடுத்த தலைமுறை இகோ த்ரஸ்ட் ப்யூயல் இன்ஜெக்ஷன் தொழில்நுட்பத்துடன் வடிவமைக்கப்பட்டுள்ளது, இது 15 சதவீதம் கூடுதல் மைலேஜ் தருவதுடன் மேம்படுத்தப்பட்ட என்ஜின் செயல்திறன், நீடித்து உழைக்கும் மிகச்சிறப்பான ஆயுள் மற்றும் மனதிற்கு இதமான உணர்வளிக்கும் செளகரியமான சவாரி அனுபவத்தை வழங்குகிறது. இந்த மோட்டார் சைக்கிள் உறுதியான உலோக வடிவமைப்புடன் கம்பீரமான ஸ்டைல் மற்றும் சொகுசு வசதியுடன் சந்தையில் கிடைக்கிறது. டிவிஎஸ் ரேடியான் எலக்ட்ரிக் ஸ்டார்ட் மேக் டிரம் பிரேக் வேரியண்டின் ஆரம்ப விலை ரூ.64,597 மற்றும் எலக்ட்ரிக் ஸ்டார்ட் மேக் டிஸ்க் பிரேக் வகை டூயல் டோன் பதிப்பு ரூ.71,557 விலையில் கிடைக்கிறது.
டிவிஎஸ் ரேடியான் பைக்குகள் டூயல் டோன், ப்ரீமியம் க்ரோம் ஹெட் லேம்ப், புதிய க்ரோம் ரியர் வியூ கண்ணாடிகள், ப்ரீமியம் டேஷ்போர்ட், புதிய முன் டிஸ்க் பிரேக்குகள், புதிய வலுவான தை பேட் வடிவமைப்பு மற்றும் நீண்ட பயணத்திற்கு அசதியில்லாத ப்ரீமியம் குஷன் இருக்கை, க்ரோம் ஷ்ரவுட்களுடன் கூடிய மிக வலுவான பின்புற சஸ்பென்ஷன், டியூரா க்ரிப் டயர்களுடன் கூடிய 18’’ பெரிய சக்கரங்கள், சரியான உயரத்தில் .வடிவமைக்கப்பட்டிருக்கும் இருக்கை, மேடு பள்ளங்களில் சுலபமாக செல்ல உதவும் அதிக க்ரவுண்ட் க்ளியரன்ஸ், நீண்ட வீல்-பேஸ் மற்றும் யூ.எஸ்.பி சார்ஜிங் ஸ்பாட், செளகரியமான ஆல் கியர் செல்ப்-ஸ்டார்ட், பீப்பருடன் கூடிய சைடு ஸ்டாண்ட் இண்டிகேட்டர் மற்றும் பில்லியன் கிராப் ரெயில் போன்ற அற்புதமான புதிய அம்சங்களை அதிக அளவில் கொண்டுள்ளது என டிவிஎஸ் செய்திக்குறிப்பில் தெரிவித்துள்ளது.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|