பதிவு செய்த நாள்
11 பிப்2022
20:01
புதுடில்லி:பயணியர் வாகன விற்பனை, கடந்த ஜனவரி மாதத்தில் 8 சதவீதம் சரிவை கண்டிருப்பதாக, இந்திய மோட்டார் வாகன தயாரிப்பாளர்களின் கூட்டமைப்பான ‘சியாம்’ தெரிவித்துள்ளது.
21 சதவீதம்
மேலும் தெரிவித்துஉள்ளதாவது:கடந்த ஜனவரியில், பயணியர் வாகன விற்பனை 8 சதவீத சரிவை கண்டுள்ளது. கடந்த ஆண்டு ஜனவரியில், மொத்த பயணியர் வாகன விற்பனை 2.77 லட்சமாக இருந்தது, நடப்பு ஆண்டு ஜனவரியில் 2.54 லட்சமாக சரிந்துவிட்டது.பயணியர் கார் மட்டுமின்றி, இருசக்கர வாகனம் மற்றும் மூன்று சக்கர வாகன பிரிவிலும் சரிவு ஏற்பட்டுள்ளது.
இருசக்கர வாகனங்களை பொறுத்தவரை, மதிப்பீட்டு மாதத்தில் 21 சதவீதம் சரிந்துள்ளது. ‘செமிகண்டக்டர் சிப்’ கிடைப்பதில் நிலவும் தட்டுப்பாடு, மற்றும் ஒமைக்ரான் தொற்று பரவல் காரணமாக இந்த சரிவு ஏற்பட்டுள்ளது.
தேவை குறைவு
இருசக்கர வாகனங்களை பொறுத்தவரை, கிராம பகுதிகளில் தேவை குறைந்தது முக்கிய காரணமாகும்.மூன்று சக்கர வாகன பிரிவு, அண்மைக் காலமாகவே தொடர்ந்து பாதிக்கப் பட்டு வருகிறது.இவ்வாறு தெரிவிக்கப்பட்டுள்ளது.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|