பதிவு செய்த நாள்
11 மார்2022
21:48
புதுடில்லி:நாட்டின் தங்கம் இறக்குமதி, கடந்த 2020ல் கடுமை யாக சரிவைக் கண்டிருந்த நிலையில், 2021ல் மீண்டும் அதிகரித்துள்ளதாக, ‘நவரத்தினங்கள், ஆபரணங்கள் ஏற்றுமதி மேம்பாட்டு கவுன்சில்’ தெரிவித்துள்ளது.
இது குறித்து கவுன்சிலின் தலைவர் கோலின் ஷா கூறியதாவது:கடந்த ஆண்டில், தங்கம் இறக்குமதி, அதற்கு முந்தைய ஆண்டை விட அதிகரித்து உள்ளது. கடந்த 2020ல், கொரோனா தாக்கத்தினால்,தங்கம் இறக்குமதி 430.11 டன் ஆக சரிந்துபோனது.ஆனால், 2021ல் இறக்குமதி 1,067.72 டன் ஆக உயர்ந்து, கொரோனாவுக்கு முந்தைய நிலையை விட அதிகரித்து விட்டது.
கொரோனாவுக்கு முந்தைய 2019ல், இறக்குமதி 836.38 டன் ஆக இருந்தது குறிப்பிடத்தக்கது. கடந்த 2021ல், அதிகளவிலான தங்கம் சுவிட்சர்லாந்திலிருந்து இறக்குமதி செய்யப்பட்டு உள்ளது. இங்கிருந்து 469.66 டன் தங்கம் இறக்குமதி செய்யப்பட்டு உள்ளது.இதையடுத்து, அதிக அளவில் ஐக்கிய அரபு நாடுகள், தென் ஆப்ரிக்கா ஆகியவற்றிலிருந்து இறக்குமதி செய்யப்பட்டு உள்ளது.
நடப்பு நிதியாண்டில், ஏப்ரல் முதல் பிப்ரவரி வரையிலான காலத்தில் 842.28 டன் தங்கம் இறக்குமதி செய்யப்பட்டு உள்ளது.இவ்வாறு அவர் கூறிஉள்ளார்.
மேலும் கம்மாடிட்டி செய்திகள்
|
Advertisement
|
Advertisement
|
Advertisement
|
|
|
|