பதிவு செய்த நாள்
23 மார்2022
23:18
சரித்திரம் காணாத பணவீக்கம்
பிரிட்டனின் சில்லரை விலை பணவீக்கம், கடந்த பிப்ரவரியில் எதிர்பார்த்ததை விட மிகவும் அதிகரித்துள்ளது.கடந்த 30 ஆண்டுகளில் இல்லாத அளவுக்கு, 6.2 சதவீதமாக பணவீக்கம் அதிகரித்துள்ளது.
எலான் மஸ்க் நடனம்
நடனமாடிய ஜெர்மன் நாட்டில் தயாரிக்கப்பட்ட ‘டெஸ்லா’ கார்களை, 30 வாடிக்கையாளர்களுக்கு வழங்கும் நிகழ்ச்சியில், சிறு நடனம் ஆடி, அனைவரையும் உற்சாகப்படுத்தினார், டெஸ்லாவின் தலைமை செயல் அதிகாரி எலான் மஸ்க்.
பெர்லின் நகரின் அருகில் அமைந்துள்ள ஆலையில், டெஸ்லா வாகனங்களை வாடிக்கையாளர் வசம் வழங்கும் நிகழ்ச்சி நடைபெற்றது.
துணை நிறுவனங்கள் இணைப்பு
‘அதானி பவர்’ நிறுவனம், அதற்கு முழுதும் சொந்தமான ஆறு துணை நிறுவனங்களை ஒன்றாக இணைக்க, அதன் நிர்வாக குழு ஒப்புதல் வழங்கி உள்ளது.இந்த நிறுவனங்கள் வசம் உள்ள சொத்துக்கள் மற்றும் பொறுப்புகள் அனைத்தும், அதானி பவர் நிறுவனத்துக்கு மாற்றப்படும் என தெரிவிக்கப்பட்டுள்ளது.
வரி செலுத்திய அமிதாப்
அமிதாப் பச்சன், அண்மையில் அவர் விற்பனை செய்த 7.15 கோடி ரூபாய் மதிப்பிலான, என்.எப்.டி., எனும் மாற்றப்பட முடியாத டிஜிட்டல் டோக்கனை விற்பனை செய்திருந்தார்.
இதற்கான ஜி.எஸ்.டி., கட்டச் சொல்லி, நோட்டீஸ் அனுப்பப்பட்டதை அடுத்து, 1.09 கோடி ரூபாயை செலுத்தி உள்ளார், அமிதாப்.
‘ஜெட்’ மீட்புக்கு காலக்கெடு
‘ஜெட் ஏர்வேஸ்’ நிறுவனத்தின் மீட்பு திட்டத்துக்கான காலக்கெடுவை நீட்டித்து அறிவித்துள்ளது, தேசிய நிறுவன சட்ட தீர்ப்பாயம்.இந்நிறுவனத்தை மீட்க இருக்கும், ‘கல்ராக் ஜலான் கூட்டமைப்பு’ கேட்டுக்கொண்டதை அடுத்து, மார்ச் 29ம் தேதி வரை, காலக்கெடு நீட்டிக்கப்பட்டுள்ளது.
நாட்டின் தங்கம் இறக்குமதி
கடந்த நிதியாண்டில் இந்தியா 651.24 டன் தங்கத்தை இறக்குமதி செய்துள்ளது என, அரசு தரப்பிலிருந்து தெரிவிக்கப்பட்டுள்ளது.இதற்கு முந்தைய நிதியாண்டில் தங்கம் இறக்குமதி, 719.94 டன் ஆக இருந்தது குறிப்பிடத்தக்கது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|